1 Samuel 24:4 - MUKANDA USANDU WA ZAMBI 1975

⁴ Malunga a David yamba kuli iye ngwo, Lino lie tangwa Yehova wambile ngwenyi, Mungukunjika mukwa kole ye kuli yena mba muhasa kumulinga cheswacho chinakupemena. David yakatuka, yateta ku lupula wa hina lia Saulu, iye kachinyingikine.

Mukanda Wa Zambi 1970

⁴ Tujita twa David yaamwamba ngwo: “Lino lie tangwa lize Mwene Zambi anulwezele ngwenyi: ‘Mungukakunjika mukwa kole ye mu moko je, mba muuhasa kumulinga cheswacho unazange.’ ” David yakatuka, yabatula lubula wa mwanangana Saulu, mwe Saulu kachinyingikine.

1 Samuel 24:4 Iomraidhean Croise

2 Samuel 4:8

Yaneha mutwe wa Isheboshete kuli David mu Heprone. Yamba kuli mwanangana ngwo, Wenu we mutwe wa Isheboshete mwana Saulu mukwa kole yenu, yoze wafupile kunushiha. Yehova hakalila mwene wami mwanangana hali Saulu ni ana jenyi musono.

Jobe 31:31

nyi malunga a ku zuwo liami kambile ngwo, Iya kakuchile ni kulia chenyi?

Miaso (Masamu) 142:1

Nakuteta ni liji liami kuli Yehova. Ni liji liami nakulembelela kuli Yehova.

Miaso (Masamu) 57:1

Nguvwile kama vumbi, Zambi, nguvwile kama vumbi, mumu mbunge yami kuyaswama muli yena. Ewa, mu Chizulie cha mapulwa je munguswama ndo luyinda yono hahwa.

Kutuhuka 21:13

Nyi mutu kechi kujikinyina mukwo alioze Zambi mamukunjika ku kwoko lienyi, yami mungukamusela chihela cha kuchinyinako.

1 Samuel 22:1

Kashika David yakatukako yaya ku chivwenge cha Ndulame, mba muze ayayo ni akwa zuwo lia tato eswe achivwile ayileko kuli iye.

1 Samuel 23:17

Ngwenyi, Kanda wivwa woma mumu tata Saulu kechi kukuwana. Yena kumukapwa mwanangana wa Izalele ni yami mungukuhata ha kota. Ni tata Saulu kanachinyingika.

1 Samuel 23:7

Saulu hevwa ngwo, David hanjila mu Kela mba Saulu wambile ngwenyi, Zambi hanamukunjika kuli yami mumu ha kunjila mu chihunda cha yajilo ni njalo iye haliajilila.

1 Samuel 24:10

Ngwami musono meso jenu hamona chize Yehova wanukujikanga mu moko jami mu chivwenge. Amwe angushinjikanga ngunushihe, alioze chanushihile. Nambanga ngwami, Chichi kwolola kwoko liami kulimika ni mwene wami mumu hanamuwayisa kuli Yehova.

1 Samuel 24:18

Musono hiwangulweza chize wangulinga yipema, se kwangushihile muze Yehova wangukunjikanga mu moko je.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.