1 Samuel 24:19 - MUKANDA USANDU WA ZAMBI 1975

¹⁹ Mumu te mutu mecha mukwa kole yenyi akaye ni mwono nyi hamuwana? Chizechene Yehova akakufwetele yipema yino wangulinganga musono.

Mukanda Wa Zambi 1970

¹⁹ Mutu mecha mukwa kole yenyi nyi hamuyuka kulu, nyi? Mwene Zambi akuwahise ha chize hiwangulinga musono!

1 Samuel 24:19 Iomraidhean Croise

Miaso (Masamu) 18:20

Yehova wangwononwene nikulita ni ululi wami; wangufwetele nikulita ni kupema cha moko jami.

Akwa Kuyula 17:2

Iye yamba kuli naye ngwenyi, Mbongo jize ja prata kumi lia kulakaji ni kulakaji umuwika akwiyile mba walishingile mwe mu matwi jami, tala, kuli yami jili. Yami najitambwile. Naye yamba ngwenyi, Yehova akuwahise mwanami.

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

1 Samuel 23:17

Ngwenyi, Kanda wivwa woma mumu tata Saulu kechi kukuwana. Yena kumukapwa mwanangana wa Izalele ni yami mungukuhata ha kota. Ni tata Saulu kanachinyingika.

1 Samuel 23:21

Saulu yamba ngwenyi, Akanuwahise kuli Yehova mumu hinwanguvwila keke.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.

1 Samuel 26:25

Mba Saulu yamba kuli David ngwenyi, Ukawahe, mwanami David. Kumukalinga yuma yinji; kumukayimanununa kanawa. Chocho David wayile kwenyi. Saulu yahiluka ku mahio.