1 Samuel 24:12 - MUKANDA USANDU WA ZAMBI 1975

¹² Yehova apatule hakachi ka yami ni yenu. Yehova angukale hali yenu. Alioze kwoko liami kulichi kulimika ni yenu.

Mukanda Wa Zambi 1970

¹² Mwene Zambi atubatwile yenu ni yami. Mwene Zambi angukale kama kuli yenu. Alioze yami chichi kunulinga chibi.

1 Samuel 24:12 Iomraidhean Croise

Ubutukilo 16:5

Serai yamba kuli Apalama ngwenyi, Chipi chami chikapwe hali yena; ami nahanyine ndungo yami wa pwo mu tulo ye, mba muze iye hamona ufumba kanangulelesa. Kashika Zambi akapatule hakachi ka yena ni yami.

Ubutukilo 31:53

Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake.

2 Samuel 22:48

Iye mwe Zambi yoze wakungukala, kakuzeyesa mavungu kuli yami.

1 Sango Ja Mianangana 12:18

Henaho Spiritu yahulumukina hali Amasai mukwa lutwe hakachi ka e makumi atatu, mba yamba ngwenyi, Tuli a yena, David; Tuli hamwe ni yena, mwana Yese! Sambukila yikalumbame kuli yena, Ni sambukila kuli yikwashi je! Mumu Zambi ye kanakukwase. Mba David yaatambula; yaapwisa tupitau twa maswalale jenyi.

Jobe 5:8

Nyi yami, kachi mungufupa Zambi, kuli Zambi mungukunjika chikuma chami.

Miaso (Masamu) 35:1

Yehova, ulitachike ni waze akulitachika ni yami. Asa jita ni waze akwasa jita ni yami.

Miaso (Masamu) 43:1

Zambi ungupatwile kama yena; unguhakwilile chikuma chami ku vungu lia utanganyanyi; ngupulule kama kuli chilembese ni chihenge.

Miaso (Masamu) 94:1

Yehova, Zambi mukwa kukala; Zambi mukwa kukala, temuka kama.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.

Usolwelo 6:10

O akololokele ni liji linene ngwo, Ndo mwiji muka, Mwata musandu wamwenemwene, yena kushi kupatula, kushi kukala manyinga jetu hali akwa hashi?

Akwa Kuyula 11:27

Ami chakuvulumwine alioze yena unanguvulumuna ha kwasa jita ni yami. Yehova mwe mukwa kupatula apatule musono hakachi ka A-Izalele ni A-Amone.

1 Samuel 20:1

Mba David yachina ku Naiote mu Rama yeza kuli Jonatas nikwamba ngwenyi, Yika nalinga? Chitela chami chika? Mulonga wami uka kumeso ja tatenu, kanazange kungushiha?

1 Samuel 24:15

Kashika Yehova apatule akatwehe upatwilo hakachi ka yami ni yenu, achimone, anguhakwile, angupulule kuli yenu.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.