1 Samuel 23:6 - MUKANDA USANDU WA ZAMBI 1975

⁶ Muze Abiatare mwana wa Ahimeleke wachinyinyine kuli David ku Kela, wayile ni efode mu kwoko.

Mukanda Wa Zambi 1970

⁶ Muze Abiatare, mwana wa Ahimeleke, hachinyina kuli David ni kuya hamwe nenyi ku Keila, te kali ni chikuto chihi cha uhako.

1 Samuel 23:6 Iomraidhean Croise

1 Yitanga Ya Mianangana 2:26

Kuli sasendote Abiatare mwanangana yamba ngwenyi, Yako ku Anatote, ku minda ye. Watela kufwa, alioze chichi kukushiha haliapwila mumu wambachile mushete wa Mwene Yehova kumeso ja tata David nikumona lamba mu lamba lieswe lia tata.

Kutuhuka 28:6

Akalinge ye efode ya oru ni ya hina lilauluka, ni lia ufungo, ni lia ngengu, ni lipema litoma, chitanga cha chilangaji.

1 Samuel 14:18

Saulu yamba kuli Ahija ngwenyi, Neha mushete wa Zambi. Mumu mushete wa Zambi ha matangwa aze wapwile hamwe ni A-Izalele.

1 Samuel 14:3

Ni Ahija, mwana wa Ahitube, yayo ya Ikabode, mwana wa Finehase, mwana wa Eli sasendote ya Yehova mu Shilo iye kali ni efode. Chipwe atu kanyingikine ngwo, Jonatas haya.

1 Samuel 22:20

Alioze mwana umuwika wa Ahimeleke mwana Ahitube jina lienyi Abiatare yalilamwina, yachinyina kuli David.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:5

Kashika David ni malunga jenyi ayile ku Kela; yasa jita ni A-Filistea; yapupa ngombe jo nikushiha anji hakachi ko. Chocho David yapulula A-Kela.

1 Samuel 23:7

Saulu hevwa ngwo, David hanjila mu Kela mba Saulu wambile ngwenyi, Zambi hanamukunjika kuli yami mumu ha kunjila mu chihunda cha yajilo ni njalo iye haliajilila.

1 Samuel 23:9

David yanyingika ngwenyi, Saulu chipi kananguhalila mba yamba kuli sasendote Abiatare ngwenyi, Neha efode kuno.

1 Samuel 30:7

David yamba kuli sasendote Abiatare mwana wa Ahimeleke ngwenyi, Ngunehene ye efode. Abiatare yaneha efode kuli David.