1 Samuel 23:4 - MUKANDA USANDU WA ZAMBI 1975

⁴ David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.

Mukanda Wa Zambi 1970

⁴ Kashika David yahula nawa Mwene Zambi. Mwene Zambi ngwenyi: “Katuka, Palumuka ku Keila, mumu mungukunjika Afilistia mu moko je.”

1 Samuel 23:4 Iomraidhean Croise

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

1 MIANANGANA 3:18

Chuma chino chilelu kumeso ja Yehova; kumakakunjika A-Moape mu moko jenu nawa.

1 Sango Ja Mianangana 14:10

David yahula Zambi ngwenyi, Ngukanduke ngukase jita ni A-Filistea, nyi? Muakunjika kuli yami, nyi? Yehova yamba kuli iye ngwenyi, Kanduka, mumu mungwakunjika kuli yena.

Yoshua 8:7

Henaho yenu munukatuka kuze nunajikinyina, nukatambule che chihunda, mumu Yehova Zambi yenu makanwahacho mu kwoko lienu.

Akwa Kuyula 6:39

Mba Ngideone yamba kuli Zambi ngwenyi, Utenu we kanda ukasumukina hali yami ngukahanjike kano kamuwika. Ngunaliumbu, ngucheseke kamuwika nawa ni we wona. Wona ukome mba hakapwe mume ha mavu a hashi.

Akwa Kuyula 7:7

Yehova yamba kuli Ngideone ngwenyi, Kuli wano kulakaji atatu mungunupulula, mungukunjika A-Mindiane mu moko jenu. Akwo eswe akaye mutu mweswe ku zuwo lienyi.

Akwa Kuyula 7:9

Ufuku uze wene Yehova yamba kuli iye ngwenyi, Katuka ukapupe chilombo mumu hinachikunjika mu moko jenu.

1 Samuel 10:22

Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:3

Alioze malunga a David yamba kuli iye ngwo, Kafwa muno mu Yunda tunevu woma, mba kuya ku Kela tukase jita ni maswalale a A-Filistea ngwetu chahiana woma.

1 Samuel 23:5

Kashika David ni malunga jenyi ayile ku Kela; yasa jita ni A-Filistea; yapupa ngombe jo nikushiha anji hakachi ko. Chocho David yapulula A-Kela.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

1 Samuel 30:8

David yahula Yehova ngwenyi, Ngukaule mbunga yino, nyi? Mungwawana, nyi? Yamukumbulula ngwenyi, Kaula, muawana pundu mba mutambula nawa yeswe.