1 Samuel 23:20 - MUKANDA USANDU WA ZAMBI 1975

²⁰ Palumukenu mwanangana nikulita ni upale wa mbunge ye. Muchipwa kuli yetu kumukunjika kuli yena mwanangana.

1 Samuel 23:20 Iomraidhean Croise

2 Samuel 3:21

Abenere yamba kuli David ngwenyi, Munguya; mungukungulula A-Izalele eswe kuli yenu mwene wami mwanangana akakolese usendo ni yenu nukayule helu lia yize yeswe mbunge yenu yinazange. Chocho David yashika Abenere, iye wayile ni sambukila.

Miaso (Masamu) 112:10

Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.

Miaso (Masamu) 54:3

Mumu yilambala hanangukatukila; akwa upupilo kakufupa mwono wami. Kasele Zambi kumeso jo.(Litulike.)

Yishima 11:23

Kuzanga cha akwa ululi chapwa chipema wika; alioze yingulungulu kakutalatala ufwatulo.

Yishima 24:15

Ena chingulungulu kanda ujikinyina zuwo lia mukwa ululi; kanda upupa muma mwenyi mwa kuhwimina.

Yishima 29:26

Anji kakufupa kuwahila mukwa kuyula; alioze mutu mweswe kakumupatwila kuli Yehova.

Shimbi 18:6

Nyi Ka-Levi makatuka kuze atwama ku yihunda yenu yeswayo ya mu Izalele, maheta ni mbunge yenyi yeswe kuze Yehova matongola,

1 Samuel 23:12

Mba David yamba ngwenyi, Malunga a Kela mangukunjika ni atu jami kuli Saulu? Yehova yamba ngwenyi, Kumakukunjika.

1 Samuel 23:21

Saulu yamba ngwenyi, Akanuwahise kuli Yehova mumu hinwanguvwila keke.