1 Samuel 22:3 - MUKANDA USANDU WA ZAMBI 1975

³ David yakatukako yaya ku Mizepa mu Moape. Yamba kuli mwanangana wa Moape ngwenyi, Tayiza kama tata ni mama atwame ni yenu ndo mungunyingika chize Zambi mangulingila.

Mukanda Wa Zambi 1970

³ David yakatuka ko, yaya ku limbo lia Mizpa mu chifuchi cha Moabe. Yambila mwanangana wa Moabe ngwenyi: “Tayizenu kama tata ni mama atwame ni yenu ndoo mungunyingika chize Zambi mangulingila.”

1 Samuel 22:3 Iomraidhean Croise

Ubutukilo 47:11

Mba José yatungisa tato ni ayayo. Yaaha chifuchi mu Engitu, mu chihanda chipema cha chifuchi mu Ramese nikulita ni shimbi ya Falau.

2 Samuel 8:2

Yalamba A-Moape. Yaapombesa hashi nikwafunjikila mufunda. Yafunjika mifunda yiali ya kushiha, ni mufunda wa muwundu wa kufunga ni mwono. A-Moape yalumuka ngamba kuli David. Yamunehena milambu.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

1 Timoteu 5:4

Alioze nyi twamishi umwe mapwa ni ana, hanji ajikulu, akalilongese hatangu uwayilo ha kutwala ku mazuwo jo ene, akahilwise chimwe kuli yisemi jo. Mumu chino chinapemena chikolo kuli Zambi.

Akwa Kuyula 11:29

Henaho Spiritu ya Yehova yahulumukina hali Jefeta. Yapalika ndusu mu Ngiliate ni Manase; yaya ku Mizepa ya Ngiliate; mba chize ku Mizepa ya Ngiliate yaya kuli A-Amone.

Rute 4:10

Chikwo nawa ngunakula Rute Ka-Moape twamishi wa Malone akapwe pwo liami, mukulindulula jina lia mwe mufu mu chihinga chenyi, kuchina jina lia mwe mufu mulikajimuka hakachi ka ana-akwo ni ayayo mu chikolo cha chijima chenyi. Enu nuli yela musono.

Rute 4:17

Chocho mapwo a chifuchi chize yamwaha jina ngwo, Noemi hasema mwana. Yamuluka jina lienyi Opete. Iye tato ya Yese, yoze wasemene David.

1 Samuel 14:47

Muze Saulu hapwa mwanangana wa Izalele washile jita ni akwa kole jenyi kweswe sali ni sali. Yalimika ni A-Moape, ni A-Amone, ni A-Endome, ni mianangana a Zoba, ni A-Filistea. Kweswako atalikisa yaakumba.

1 Samuel 22:2

Ni mweswe mukwa lamba, ni mweswe mukwa makongo, ni mweswe wevwile kupiha akungulukilile kuli iye, mba iye wapwile kapitau ko. Wapwile no kulakaji awana a malunga.

1 Samuel 22:4

Yaahichika ni mwanangana wa Moape, o kwenako atwamine shimbu lieswe David wapwile mu mbonge yenyi.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.