1 Samuel 22:17 - MUKANDA USANDU WA ZAMBI 1975

¹⁷ Mwanangana yamba kuli tulayi aze amujingilikile ngwenyi, Tewulukenu nushihe asasendote a Yehova mumu moko jo hamuwika ali ni David. Anyingikine ngwo, Kanachina hindu kangulwezelecho. Alioze tuvumbi twa mwanangana katayile kwolola moko jo kushiha asasendote a Yehova.

Mukanda Wa Zambi 1970

¹⁷ Mwanangana yambila tujita waze akumufunga ngwenyi: “Shihenu mahako ja Mwene Zambi eswe! Mumu haangutwama punga hamwe ni David. Kaangulwezele ngwo: ‘David hachina,’ chibwe anakachinyingika kulu”. Alioze tufunga yaalituna kwo kushiha mahako ja Mwene Zambi.

1 Samuel 22:17 Iomraidhean Croise

2 Samuel 15:1

Kulutwe lia yino yuma Absalome yalilulikila temba-lia-jita ni tuvwalu ni makumi atano a malunga a kumutetekela.

1 Yitanga Ya Mianangana 1:5

Kulutwe Adonija mwana Hagita yalinangamisa ngwenyi, Yami mungupwa mwanangana. Yalilulikila matemba-a-jita, ni akwa tuvwalu, ni makumi atano a malunga akwa kuzomboka kulutwe henyi.

1 Yitanga Ya Mianangana 14:27

Mwanangana Rehoboame wasalakanyishine kepwe ja unengu nikujihana kuli tupitau twa tulayi waze afungile chikolo cha zuwo lia mwanangana.

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 MIANANGANA 10:25

Mba muze hamana kulambula mulambu wa kulu-mba, Jehu yamba kuli tulayi ni tupitau ngwenyi, Njilenu nuashihe. Kanda nutayiza niumwe kutuhuka. Yaalamba ni katana, mba tulayi ni tupitau yaambila; yanjila muchima lia zuwo lia Mbale,

Kutuhuka 1:17

Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.

1 Samuel 2:31

Muliza tangwa muze munguteta kwoko lie ni kwoko lia akwa munyachi wa tatenu. Kumuchikupwa lunga wa mukulwana mu munyachi we.

1 Samuel 20:33

Alioze Saulu yakonga kunga amwase, kashika Jonatas hanyingika ngwenyi, Tata hasa mbunge yenyi kushiha David.

1 Samuel 22:13

Saulu yamba kuli iye ngwenyi, Kuchi te hiwangutwama punga, yena ni mwe mwana Yese, hiunamwehe kulia ni katana, hiunahula kuli Zambi hali iye chocho hanangukatukila kungujikinyina ngwe analingi musono?

1 Samuel 22:16

Alioze mwanangana ngwenyi, Ena Ahimeleke kumuofwa ni eswe akwa zuwo lia tatenu.

1 Samuel 25:17

Kashika nyingika chuma chino unyonge chize mulinga, mumu kananyongo kulinga chuma chikalu kuli mwata wetu ni kuli akwa zuwo lienyi eswe se niumwe mahasa kuhanjika nenyi mumu ha kupiya chenyi.

1 Samuel 8:11

Ngwenyi, Chocho mapwa mwanangana yoze manuyula. Makwata anenu a malunga nikwasela ku matemba jenyi a jita, ni kupwa akwa tuvwalu twenyi akazomboke kulutwe lia matemba jenyi.