1 Samuel 22:10 - MUKANDA USANDU WA ZAMBI 1975

¹⁰ Mba Ahimeleke yahula Yehova hali iye nikumwaha ya kulia ni katana ka Ngoliate Ka-Filistea.

Mukanda Wa Zambi 1970

¹⁰ Mba Ahimeleke yahula Mwene Zambi hakutwala kuli David ni kumwaha yakulia ni mukwale wa Goliate, Kafilistia.”

1 Samuel 22:10 Iomraidhean Croise

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

1 Samuel 10:22

Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

1 Samuel 21:10

David yakatuka tangwa lize; yachina Saulu; yaya kuli Akishe mwanangana wa Ngata.

1 Samuel 22:11

Mwanangana yatuma kusanyika sasendote Ahimeleke mwana wa Ahitube ni akwa zuwo lia tato eswe, asasendote aze apwile ku Nobe. Eswe yaheta kuli mwanangana.

1 Samuel 22:13

Saulu yamba kuli iye ngwenyi, Kuchi te hiwangutwama punga, yena ni mwe mwana Yese, hiunamwehe kulia ni katana, hiunahula kuli Zambi hali iye chocho hanangukatukila kungujikinyina ngwe analingi musono?

1 Samuel 22:15

Te musono nalianga kuhula kuli Zambi hali iye nyi? Hi chocho ko! Mwanangana, kanda nungwaha mutonga yami kavumbi kenu hanji kuli wano eswe akwa zuwo lia tata. Yami kavumbi kenu te Chanyingikine nichimwe cha yuma yino yeswe, chipwe chinene chipwe chikepe.

1 Samuel 23:12

Mba David yamba ngwenyi, Malunga a Kela mangukunjika ni atu jami kuli Saulu? Yehova yamba ngwenyi, Kumakukunjika.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:4

David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.

1 Samuel 30:8

David yahula Yehova ngwenyi, Ngukaule mbunga yino, nyi? Mungwawana, nyi? Yamukumbulula ngwenyi, Kaula, muawana pundu mba mutambula nawa yeswe.