1 Samuel 21:8 - MUKANDA USANDU WA ZAMBI 1975

⁸ David yamba kuli Ahimeleke ngwenyi, Kushi ni kunga hanji katana hakamwihi? Chambachile katana kami chipwe yitwa yami mumu mu milimo ya mwanangana chayitamba kulinga fuji.

Mukanda Wa Zambi 1970

⁸ David yahula Ahimeleke ngwenyi: “Kuushi ni kunga hanji mukwale ungwehe kama, nyi? Chambachile mukwale hanji yitwa mumu milimo ya mwanangana chatamba kuyilinga fuji.”

1 Samuel 21:8 Iomraidhean Croise

Estere 8:14

Chocho kwatuhukile mikeji aze akwenda hali tuvwalu a tambu a ku milimo ya mwanangana, se haatambwisa ni kwashinjika ni liji lia mwanangana. Ni ye shimbi ayihanyine mu mbala ya Shushane.

Luka 10:4

Kanda nukambata chipwe chikwama, chipwe chipakumuna, chipwe haku, ni kanda nukameneka niumwe mu jila.

1 Samuel 21:7

Alioze tangwa lize kwapwile umwe ngamba ya Saulu, te hamukwikako kumeso ja Yehova; jina lienyi Doege Ka-Endome. Iye mukwa lutwe hakachi ka tufunga twa Saulu.

1 Samuel 21:9

Sasendote ngwenyi, Katana ka Ngoliate Ka-Filistea yoze washihile mu chikulo cha Ela tuli nenyi wa kuvunga mu hina kunyima lia efode. Nyi unazange kumbata yoze, mumbate mumu mukwo kutushi nenyi kuno. David ngwenyi, Kukushi mukwo walita nenyi; penuye!

1 Samuel 22:22

David yamba kuli Abiatare ngwenyi, Nachinyingikine tangwa lize muze namwene Doege Ka-Endome kwali, ngwami, Mambulwila Saulu. Hinashihisa atu eswe a ku zuwo lia tatenu.

1 Samuel 22:9

Mba Doege Ka-Endome kanamana hamwe ni atu ja Saulu yamba ngwenyi, Ami namwene mwe mwana Yese maheta ku Nobe kuli Ahimeleke mwana wa Ahitube.