1 Samuel 21:7 - MUKANDA USANDU WA ZAMBI 1975

⁷ Alioze tangwa lize kwapwile umwe ngamba ya Saulu, te hamukwikako kumeso ja Yehova; jina lienyi Doege Ka-Endome. Iye mukwa lutwe hakachi ka tufunga twa Saulu.

Mukanda Wa Zambi 1970

⁷ Ha tangwa lize te kuli umwe mwata wa tufunga twa Saulu, jina lienyi Doege te heza ni kuwayila Zambi.)

1 Samuel 21:7 Iomraidhean Croise

Ubutukilo 26:20

Mba tufunga twa Ngerare yalitachika ni tufunga twa Izake ngwo, Meya ninyetu. Kashika yaluka shima lize ngwenyi, Eseke, mumu ha kulitachika nenyi.

1 Sango Ja Mianangana 27:29

Shitari wa ku Sharone wayulile matanga eswe a yimuna alile mu Sharone, ni Sefate mwana Adalai wayulile matanga a ku yikulo.

1 Sango Ja Mianangana 27:31

Ka-Hagri Yajiza wayulile pembe ni mapanga. Wano eswe ayulile yikumba ya mwanangana David.

2 Sango Ja Mianangana 26:10

Yatunga tuposhi mu puya nawa, ni kufula tuyitende tunji twa meya mumu wapwile ni yimuna anji, mu yana ni mu yikulo. Wapwile nawa ni njimi ni akwa kululika miuva mu milundu ni mu minda ya mbuto, mumu wazangile chikolo kulima.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Alevi 22:10

Chilambala kanda alia chuma chisandu. Njize mu zuwo ha sasendote, hanji ngamba wa fweto, kanda alia chuma chisandu.

Alevi 22:13

Ahoze nyi mwana wa pwo wa sasendote hafwisa lunga, hanji hamulakula keshi mwana, mahiluka ku zuwo lia tato ngwe ha wanuke wenyi, mba malia kulia cha tato. Alioze chilambala niumwe kanda achilia.

Alevi 24:5

Chikwo nawa munwanda wunga wafufunuka nukalinge nawo kumi lia mbolo ni mbolo jiali. Mbolo yeswe muyipwa ya yihanda yiali ya ku kumi lia yihanda ya njongo ya efa.

Alevi 24:8

Sambata ha Sambata Arone makajilonga kumeso ja Yehova hali A-Izalele. Usendo wa mutolo kashika kanda ahona.

Amose 8:5

Chiwanyino cha kakweji mwaha hali muchisulila hanga tukalanjise mbuto? Sambata ola yika muyipatuka, hanga tukakulise tiliku, tukakehese njongo ni kuweza ku ndando, ni kwonga ni mbalansa ja mahuza,

Mateu 15:8

Wano atu kakungulemesa ni mivumbo yo; Alioze mbunge jo jili kusuku ni yami.

1 Samuel 11:5

Saulu te kanakatuka ku munda ni ngombe. Saulu yamba ngwenyi, Atu yika anevu analili chocho? Yamulweza maliji a akwa Njabeshe.

1 Samuel 14:47

Muze Saulu hapwa mwanangana wa Izalele washile jita ni akwa kole jenyi kweswe sali ni sali. Yalimika ni A-Moape, ni A-Amone, ni A-Endome, ni mianangana a Zoba, ni A-Filistea. Kweswako atalikisa yaakumba.

1 Samuel 21:8

David yamba kuli Ahimeleke ngwenyi, Kushi ni kunga hanji katana hakamwihi? Chambachile katana kami chipwe yitwa yami mumu mu milimo ya mwanangana chayitamba kulinga fuji.

1 Samuel 22:10

Mba Ahimeleke yahula Yehova hali iye nikumwaha ya kulia ni katana ka Ngoliate Ka-Filistea.

1 Samuel 22:22

David yamba kuli Abiatare ngwenyi, Nachinyingikine tangwa lize muze namwene Doege Ka-Endome kwali, ngwami, Mambulwila Saulu. Hinashihisa atu eswe a ku zuwo lia tatenu.

1 Samuel 22:9

Mba Doege Ka-Endome kanamana hamwe ni atu ja Saulu yamba ngwenyi, Ami namwene mwe mwana Yese maheta ku Nobe kuli Ahimeleke mwana wa Ahitube.