1 Samuel 20:32 - MUKANDA USANDU WA ZAMBI 1975

³² Jonatas yakumbulula kuli tato Saulu ngwenyi, Kuchi te mamushiha? Yika alinga?

Mukanda Wa Zambi 1970

³² Jonatane yakumbulula tato ngwenyi: “Yika mafwila mwana mbala? Chibi chika alinga?”

1 Samuel 20:32 Iomraidhean Croise

Ubutukilo 31:36

Mba Yakomba yatenuka nikwambila Lapane. Yakomba yamba kuli Lapane ngwenyi, Utanguko wami uka? Mulonga wami uka? Ena hiwanguhanga fujifuji Chichize.

Yishima 22:24

Kanda ulikata ni chitenu; kanda uliendela ni chifwatulo,

Longeshi 7:9

Kanda ulipupula mu mbunge kutenuka; mumu utenu kuwatwama mu mbunge ja yihepuke.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Mateu 27:23

Nguvulu wambile ngwenyi, Kuchi te? Chipi chika hanalingi? Alioze akololokele kuhiana ngwo, Amuhachilejia kulusu.

Luka 23:22

Iye wambile kuli ayo chisuho chamuchitatu ngwenyi, Kuchi te, chipi chika hanalingi? Chawanyine chitela cha kufwa muli iye, nichimwe; mungumulamba ni shikote, ngumutusule.

Yoano 7:51

ngwenyi, Shimbi yetu muyipatwila mutu shina hatangu mamwivwa, akanyingike chize kakulinga, nyi?

1 Samuel 18:11

Saulu yakonga kunga mumu yamba ngwenyi, Mungumupalakenya ku yishimi. David yalieha kaali kumeso jenyi.

1 Samuel 19:4

Jonatas yahanjika kanawa kuli tato Saulu ha kutwala kuli David ngwenyi, Mwanangana kanda uvulumuna kavumbi ke David, se iye kakuvulumwine, ni chikwo nawa hakukwasa chikolo ni yitanga yenyi.

1 Samuel 19:5

Mumu wanjilile mu Utoji ni kushiha mwe Ka-Filistea mba Yehova walingile kukumba chinene hali A-Izalele. Ni yena kuwachimwene, yiuwahilila, kashika kuchi te muvulumuna manyinga keshi mulonga ukashihe David, chitela chakuhi?

1 Samuel 20:1

Mba David yachina ku Naiote mu Rama yeza kuli Jonatas nikwamba ngwenyi, Yika nalinga? Chitela chami chika? Mulonga wami uka kumeso ja tatenu, kanazange kungushiha?

1 Samuel 20:7

Nyi mamba ngwenyi, Chipema! mba muchipwa sambukila kuli yami kavumbi ke. Alioze nyi matenuka nyingika kanawa, chipi anangunyongena.

1 Samuel 22:14

Ahimeleke yakumbulula kuli mwanangana ngwenyi, Mba hakachi ka tuvumbi twenu eswe, mutu wa jika iya ngwe tatenu-weno David, kanda kapitau ka akwa kufunga mwanangana, kanda mulemu mu zuwo lienu?