1 Samuel 20:2 - MUKANDA USANDU WA ZAMBI 1975

² Iye yamukumbulula ngwenyi, Hi chocho ko. Kuchi kufwa. Tata kechi kulinga nichimwe, chipwe chinene chipwe chikepe, ndo mangulweza. Kuchi te tata manguswekela chuma chino? Kuchapwile chocho.

Mukanda Wa Zambi 1970

² Jonatane ngwenyi: “Hi chocho ko. Kuuchi kufwa kwe. Tata keshi kulinga nichimwe chibwe chikepe chibwe chinene, shina mangulweza. Ngwe kuchi tata manguswekela Chuma chino? Hi chocho ko.”

1 Samuel 20:2 Iomraidhean Croise

Ubutukilo 44:7

O yamukumbulula ngwo, Mwata kuchi te unambe maliji apwa haha? Chikapwe kusuku ni yetu ngamba je kulinga chuma chino.

Miaso (Masamu) 40:6

Kushi kuwahilila ni yitapo ni milambu. Matwi jami hiunaajikula. Milambu ya kulumba ni milambu ha shili kwayifupile.

Yishima 29:24

Mweswe malianyina ni mwiji kalizangile mwene; kanevu kulishinga hindu kambile nichimwe.

Izaya 50:5

Mwene Yehova hanangujikula twitwi liami, chakolemene, chahilukile kunyima.

Luka 20:16

Kumakeza akonwone waze njimi, makahana munda kuli akwo. O muze achivwile ambile ngwo, Kanda chikapwa kama nilimwe tangwa.

Yoano 15:15

Chichi kunuvuluka nawa ngwami, Ndungo; mumu ndungo kanyingikineko chize Mwene wenyi malinga; alioze hingunanuvuluka ngwami, Tusendo; mumu yuma yize yeswe nevwile kuli Tata, hingunanunyingikisayo.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoshua 22:29

Chikapwe kusuku ni yetu kukolema Yehova, tukatewuluke musono ha kukaula Yehova, tukatunge chilumbilo chimwe cha kulambwilaho hanji milambu ya kulumba, hanji milambu ya wunga, hanji yitapo, helu lia chilumbilo cha Yehova Zambi yetu chize chili kulutwe lia tabernakulu yenyi.

Yoshua 24:16

Mba atu eswe akumbulwile ngwo, Chikapwe kusuku ni yetu kwehuka Yehova tukalingile mazambi akwo,

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.

1 Samuel 20:1

Mba David yachina ku Naiote mu Rama yeza kuli Jonatas nikwamba ngwenyi, Yika nalinga? Chitela chami chika? Mulonga wami uka kumeso ja tatenu, kanazange kungushiha?

1 Samuel 20:12

Jonatas yamba kuli David ngwenyi, Yehova Zambi ya Izalele apwe chela. Muze hineseka tata, ngwe ola yino yene hamene hanji tangwa liamuchitatu nyi kanevu kuwaha ni David, mungukulweza.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.

1 Samuel 9:15

Yehova hanachisolola kuli Samuel ha tangwa lia zau ngwenyi,