1 Samuel 2:9 - MUKANDA USANDU WA ZAMBI 1975

⁹ Kumakafunga molu ja asandu jenyi, alioze kumakaholesa yingulungulu mu milima, mumu atu keshi kukumba ku tachi jo.

Mukanda Wa Zambi 1970

⁹ “Makafunga atu jenyi akwa kushishika, alioze yingulungulu maakatoka mu milima, mumu atu keeshi kukumba ni tachi jo ene.

1 Samuel 2:9 Iomraidhean Croise

Jobe 18:18

Kakumuchlza mu pangu ni kumunungwina mu milima; kakumuhuma hashi.

Jobe 40:13

Shikila eswe mu fufuta hamuwika kashila meso jo mushi mu jondo.

Jobe 5:16

Chocho yiswale matalatala ni uhenge kuwakuhola.

Jobe 5:24

Kumunyingika ngwe, Zuwo liami linakolo; ha kutala ku limba lie, nichimwe chinahono.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 105:37

Waachijileko ni oru ni prata. Kukwapwile niumwe mukwa kutalinga hakachi ka minyachi yo yeswe.

Miaso (Masamu) 121:3

Iye kechi kutayiza chiliato che kukokoloka. Yoze wakufunga kechi kufungunuka.

Miaso (Masamu) 121:5

Yehova iye kafunga ke. Yehova iye chihuhumuke ha chindume che.

Miaso (Masamu) 121:8

Yehova kumakakufunga ha kutuhuka ni ha kunjila, chize ku tangwa lia musono ni ku miaka ya mutolo.

Miaso (Masamu) 145:20

Yehova kakufunga waze eswe akumuzanga, alioze yingulungulu kumakaonwona.

Miaso (Masamu) 31:17

Kanda angukolesa sonyi, Yehova, mumu hali yena hinatambika. Yingulungulu akevwe sonyi; akahole mu Shiole.

Miaso (Masamu) 37:28

Mumu Yehova kakuzanga chiyulo; keshi kwehuka asandu jenyi; kakwafunga ku miaka ya mutolo. Alioze munyachi wa yingulungulu kumakaupatula.

Miaso (Masamu) 94:18

Muze nambile ngwami, Chiliato chami chinasenunuka, utu wa zango lie wangukwachililile, Yehova.

Miaso (Masamu) 97:10

Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

Yishima 16:9

Mbunge ya mutu kuyakuhala jila yenyi; alioze Yehova kakusongwela shimbo jenyi.

Yishima 2:8

nikufunga majila a upatwilo a ululi. Iye kakuwahisa jila ya asandu jenyi.

Yishima 3:26

mumu Yehova kumakapwa ujikijilo we, iye makafunga kulu lie, kulichi hakwachika.

Longeshi 5:17

Matangwa jenyi eswe kanali mu milima nawa ni kulifwita ni kuyiza ni ufwatulo.

Longeshi 9:11

Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Izaya 27:3

ni yami Yehova nguli kafunga kawo; nakuuhinjila ni kulitwamina ka. Nakuufunga ufuku ni mwalwa kuchina umwe maulinga chimwe chipi.

Izaya 47:5

Ena mwana-pwo wa A-Kaletea, twama nikuhola, ukaye ku milima, mumu kechi kakutongola nawa ngwo, Mukwa kuyula mawanangana.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Nahume 1:8

Alioze makasulisa liakulu akwa kulimika nenyi ni sanga lia kusupwokela. Makahanga akwa kole jenyi ndo mu milima.

Zefania 1:15

Tangwa lize lia ufwatulo; tangwa lia kupinda ni kulifwita; tangwa lia kwenyeka ni kukuwisa; tangwa lia milima ni kulendama; tangwa lia malelwa ni milima pwi;

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Kwalula 6:24

Yehova akanuwahise, akanufunge.

Mateu 8:12

Alioze kumakambila akwa wanangana mu milima ya haze: kumukukapwa malilo ni kulikopola ku mazo.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

Shimbi 33:3

Chamwenemwene kazanga atu jenyi. Asandu jenyi eswe ali mu kwoko lie. Eswe kakutwama ku molu je. Kakutambula maliji je.

1 Petulu 1:5

Yenu kananufungu ni tachi ja Zambi ku Ufulielo, ha ulamwino, himausolola ha mwaka wa kusula.

2 Petulu 2:17

Wano anapu mafuji waze keshi meya, malelwa a kuhungumioka ku kakundukundu: hanaalulikila kulá cha milima.

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Yuda 1:13

mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.

Yuda 1:3

Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

1 Samuel 25:26

Kashika, mwene wami, ni mwono wa Yehova ni mwono wa yenu nawa, se Yehova hananukwika ku uhie wa manyinga nukalikale ni kwoko lia yenu mwene, kashika akwa kole jenu ni waze eswe anazange kulinga chipi kuli yenu mwene wami, akapwe ngwe Nabale.