1 Samuel 2:8 - MUKANDA USANDU WA ZAMBI 1975

⁸ Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.

Mukanda Wa Zambi 1970

⁸ Kakukatwisa yiswale mu fufuta, kakuchiza akwa kuhona mu lamba lio. Kakwanangamisa akatwame hakachi ka ana ja mianangana, akahinge akwa ulemu. Fundamentu ya hashi yili ya mbala ya Mwene Zambi, he hashi, hanatungu ho.

1 Samuel 2:8 Iomraidhean Croise

Ubutukilo 41:14

Falau yatuma kusaka José. Yamuchiza fuji ku zuwo lia ususu, yalitewula, yazala mazalo eka, yaheta kuli Falau.

Ubutukilo 41:40

Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana.

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

1 Yitanga Ya Mianangana 16:2

Nakuchijile mu fufuta, nakunangamishine, nakupwishile mukwa kuyula atu jami A-Izalele. Alioze yena hiwenda mu ndako ja Jeroboame, hiwavulumwisa atu jami A-Izalele ukangwihie ku utenu ni mitonga yo.

1 MIANANGANA 9:6

Yakatuka, yanjila muchima, mba profeta yazujila maji ha mutwe wenyi ngwenyi, Yehova Zambi ya Izalele kanambe ngwenyi, Hinakuwayisa mwana-ngana wa atu ja Yehova, e A-Izalele.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Jobe 2:8

Aye yanda chiyo cha ndeho ya kulicheka nacho. Yatwama mu uto.

Miaso (Masamu) 102:25

Ku shakulu wasele fundamentu ya hashi; malilu hapwa chitanga cha moko je.

Miaso (Masamu) 104:5

Wasele fundamentu ya hashi hanga kuyichi kanyika ndo ku miaka ya mutolo.

Miaso (Masamu) 107:41

Hindu kakuchiza mukwa kuhona ku lamba nikumunangamisa, nikulinga minyachi ngwe chendo.

Miaso (Masamu) 24:2

Mumu wahatungile ha kalunga-lwiji; wahakolesele ha masanga a meya.

Miaso (Masamu) 75:3

Hashi hanasangunuka hamuwika ni waze atwamaho. Yami namikine manguji jaho.(Litulike.)

Miaso (Masamu) 75:4

Nambile kuli akwa kulizata ngwami, Kanda nulizata. Kuli yingulungulu ngwami, Kanda nuhetula mbinga.

Miaso (Masamu) 75:7

Alioze Zambi iye Chipatula-milonga, malelesa umwe, manangamisa mukwo.

Longeshi 4:14

Mumu watuhukile mu zuwo lia ususu akapwe mwanangana; chipwe mu wanangana wasemukine chiswale.

Izaya 22:23

Kumungukamukolesa ngwe lumbambo homa hakola, mba iye kumakalumuka ngunja ya ulemu ku munyachi wa tato.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 6:3

Mba yono Daniel walumukine wa lufuma helu lia akwa lutwe akwo ni yilolo mumu Spiritu mupema Wahiana Watwamine muli iye; mba mwanangana wazangile kumusa helu lia wanangana weswe.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

Usolwelo 22:5

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Usolwelo 5:10

mba Waapwishile kuli Zambi yetu wanangana ni asasendote, o kumakayula hashi.

1 Samuel 15:17

Samuel yamba ngwenyi, Chipwe yena mwene walimwene ngwe uli mukepe, hindu akupwishile mukwa lutwe wa minyachi ya Izalele. Yehova wakuwayishile mwanangana wa A-Izalele.