1 Samuel 2:6 - MUKANDA USANDU WA ZAMBI 1975

⁶ Yehova kakushiha; kakupwisa ni mwono. Kakupalumwisa ku Shiole; kakukandwisa nawa.

Mukanda Wa Zambi 1970

⁶ Mwene Zambi kakushiha ni kakupwisa nawa ni mwono. Kakupalumwisa atu muma mwa afu, mba kakwahindwisa nawa.

1 Samuel 2:6 Iomraidhean Croise

1 Yitanga Ya Mianangana 17:22

Yehova yapanjika ku liji lia Eliya. Mwono wa mwana yiwiza nawa muli iye, yahuzuluka.

1 MIANANGANA 5:7

Muze mwanangana wa Izalele hatanga mukanda yasonya mazalo jenyi ngwenyi, Te nguli Zambi, wakushiha ni kupwisa ni mwono, kashika yono hatuma kuli yami ngukawuke mutu mbumba yenyi. Achi talenu chize kanafupu kuvundula ndombo ni yami.

Jobe 5:18

Mumu kakulemeka alioze majichika mbandu; kakulamba alioze moko jenyi mawuka.

Miaso (Masamu) 116:3

Mihipu ya kufwa yangujingile. Yikola ya Shiole yangukwachile. Nawanyine lamba ni chinyengo.

Miaso (Masamu) 30:4

Imbenu uhaliso kuli Yehova, yenu eswe asandu jenyi. Sakwilenu ku jina lienyi lisandu.

Miaso (Masamu) 68:20

Zambi hapwa kuli yetu Zambi ya kupulula. Kutuhuka mu kufwa chapwa cha kuli Yehova mwe Mwene.

Miaso (Masamu) 71:20

Yena watulweza lamba linji likalu mukatuhuzulula nawa. Mukatuchiza cheka nawa kushi lia mavu.

Longeshi 3:3

tangwa lia kushiha, ni tangwa lia kuwuka; tangwa lia kupuzula, ni tangwa lia kutunga;

Izaya 26:19

Afu je matwama ni mwono, mijimba yo muyihinduka. Enu nwaya ku fufuta, laulenu nukembe ni uwahililo! Mumu mume we wapwa wa pangu, mba ha chifuchi cha yizulie muuhinjila.

Ezekiel 37:12

Kashika profeteza wambe kuli ayo ngwe, Mwene Yehova kanambe ngwenyi, Kumungukapakula mafuka jenu; mungukanuhindwisa ku mafuka jenu, enu atu jami. Kumungukanuneha ku mahienu mu chifuchi cha Izalele.

Ezekiel 37:3

Yamba kuli yami ngwenyi, Mwana mutu, yifwaha yino muyihasa kutwama ni mwono? Yingukumbulula ngwami, Mwene Yehova, yena muchinyingika.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.