1 Samuel 2:29 - MUKANDA USANDU WA ZAMBI 1975

²⁹ Kuchi te wakuliataliata ha chitapo chami ni ha mulambu wami nakolesele ni shimbi mu zuwo liami? Kuchi te wakulemesa ana je helu lia yami nikulitohesa ni yeswe yahiana kupema hakachi ka milambu ya atu jami A-Izalele?

Mukanda Wa Zambi 1970

²⁹ Mba kuchi nwakutala ni kuzo ha milambu ni yawana yami yize nakuhula kuli atu jami? Kuchi mba yena Eli wakulemesa ana je kuhiana yami, wakwatayiza kulitohwesa ni kulia yipinji yibema yahiana ya milambu yize atu jami akungulambula?

1 Samuel 2:29 Iomraidhean Croise

1 MIANANGANA 12:6

Alioze ndo ku mwaka makumi aali ni mwaka wamuchitatu wa mwanangana Njoashe asasendote kanda achilulika yituwa ya mu zuwo.

Miaso (Masamu) 26:8

Yehova kunazanga zuwo lie kutwamamo, kuze kwatwama ulemu we.

Ezekiel 13:19

Hinwangujilula hakachi ka atu jami ha kome ja sevada ni tuyipinji twa mbolo, ha kushiha atu aze kuchatambile kufwa, ni kufunga ni mwono atu aze kuchatambile kutwama ni mwono, ni ha mahuza jenu kuli atu jami, mumu o kakupanjika ku mahuza.

Ezekiel 34:10

Mwene Yehova kanambe ngwenyi, Kunalimika ni e tufunga, mba mapanga jami mungwahula kuli ayo; mungwachiza ku kulisa mapanga. Tufunga kechi kalilisa ene nawa. Mangupulula mapanga jami ku makanwa jo; kechi kapwa nawa kulia cho.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Hosea 4:8

Kakulilisa ni shili ya atu jami, kakwivwa kuzo ha uhenge wo.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Luka 14:26

Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

A-ROMA 16:18

Mumu waze keshi kulingila Mwene wetu Yesu Kristu, alioze kakulingila jimo lio ene; ni ku maliji a kulembejeka, ni kutangujola, kakwonga mbunge ja atu alelu.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.

Tiangu (Jake) 3:17

Alioze mana a kwilu hatangu atoma, kulutwe a sambukila, ambovu, ashi, a tò ni keke ni mihuko yipema, keshi katonde, keshi ulembekese.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.