1 Samuel 2:28 - MUKANDA USANDU WA ZAMBI 1975

²⁸ Chamusakwile hakachi ka minyachi yeswe ya Izalele akapwe sasendote yami, akakundame ku chilumbilo chami kwochela insensu, nikuzala efode kumeso jami, nyi? Chahanyine kuli munyachi wa tatenu milambu yeswe ya kahia ya A-Izalele, nyi?

Mukanda Wa Zambi 1970

²⁸ Ku mavungu eswe ja Aisraele natongwele jiko lienyi hanga akabwe mahako jami, akalingile ku chilumbilo chami, akoche mbuto ya vumba libema, akazale chikuto chihi cha uhako muze maanguhula. Nawa natayijile kwaaha Chihanda cha milambu yeswe ya kwocha ya Aisraele.

1 Samuel 2:28 Iomraidhean Croise

2 Samuel 12:7

Natane yamba kuli David ngwenyi, Mwe lunga, yena. Yehova mwe Zambi ya Izalele kanambe ngwenyi, Nakuzujilile maji ukapwe mwanangana wa Izalele. Nakupulwile kuli Saulu.

2 Samuel 6:14

David wahanganyine kumeso ja Yehova ni mbunge yenyi yeswe. David te kanazala efode ya hina lipema litoma.

Kutuhuka 28:1

Ukakundamise kuli yena yayenu Arone ni ana jenyi a malunga hamwe nenyi, kwachiza kuli A-Izalele hanga iye akangulingile usasendote; ni Arone, ni Nandambe, ni Ambihu, ni Elieza, ni Itama, eswe te ana a malunga a Arone.

Kutuhuka 28:4

Mazalo matonga wano; ni chipwiko, ni efode, ni hina lia ngungu, ni chikuto cha milimo ya kwola ya uhenya, ni kapusa, ni muya wa ponda; akatongele yayenu Arone ni ana jenyi a malunga mazalo asandu hanga iye akangulingile usasendote.

Kutuhuka 30:7

Arone akocheleho insensu ya lupembo mupema, chimene ha chimene muze iye malulikisa ndeya.

Kutuhuka 30:8

Muze Arone mawika ndeya ha chingoloshi iye akoche nawa ye insensu yikapwe insensu ya matangwa eswe kumeso ja Yehova ndusu yisemuko yenu.

Alevi 2:10

Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 2:3

Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 6:16

Chize muchisalaho Arone ni anenyi a malunga akachilie. Akachilie kuchishi futunwiso kuma kusandu, akachilie mu yize ya mbalaka ya chikungulwila.

Alevi 7:32

Mba chilama cha chindume munukahana kuli sasendote chikapwe mulambu wa kuzundula wa ku yitapo ya milambu yenu ya sambukila.

Alevi 7:36

Yehova watumine A-Izalele akaahecho ha tangwa lize waawayishile ni maji; chiyulo cha mutolo ndusu yisemuko yo yeswe.

Kwalula 16:5

Yamba kuli Kora ni ku mbunga yenyi yeswe ngwenyi, Hamene Yehova makasolola yoze mapwa niwenyi, yoze mapwa musandu; makamukundamisa kuli iye. Yoze makamutongola, kumakamukundamisa kuli iye.

Kwalula 18:19

Milambu yeswe ya kuzundula ya ku yuma yisandu A-Izalele matambula kuli Yehova, hingunakweheyo yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Kuchapwa usendo wa mungwa wa mutolo kumeso ja Yehova kuli yena ni kuli ana je hamwe ni yena.

1 Samuel 14:3

Ni Ahija, mwana wa Ahitube, yayo ya Ikabode, mwana wa Finehase, mwana wa Eli sasendote ya Yehova mu Shilo iye kali ni efode. Chipwe atu kanyingikine ngwo, Jonatas haya.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.