1 Samuel 2:12 - MUKANDA USANDU WA ZAMBI 1975

¹² Ana ja Eli o apwile atu amokomoko. Kanyingikine Yehova.

Mukanda Wa Zambi 1970

¹² Ana ja Eli a malunga yaabwa atu amokomoko, te keeshi kulemesa Mwene Zambi,

1 Samuel 2:12 Iomraidhean Croise

1 Yitanga Ya Mianangana 21:10

Mba Selenu malunga aali amokomoko kumeso jenyi akamushindakenye ngwo, Ena washililikile Zambi ni mwanangana. Mba munumutwala haze numwase mawe akafwe.

1 Yitanga Ya Mianangana 21:13

mba e malunga aali amokomoko yanjila, yatwama kumeso jenyi. Malunga aze amokomoko yamushindakenya, ngwami Nabote, kumeso ja atu ngwo, Nabote hashililika Zambi ni mwe mwanangana. Yamutwala haze lia chihunda, yamwasa mawe, yafwa.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 22:16

Wapatwile kanawa chikuma cha chiswale ni mukwa kuhona, miaka yize te kanawaha. Yehova kanambe ngwenyi, Chenacho te chinalumbunuka kungunyingika.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

2 Korintu 6:15

Ni kutá chika akwete Kristu ni Mbeliale? Hanji chihanda chika akwete mukwa kufuliela ni yoze keshi kufuliela?

Shimbi 13:13

Malunga amwe amokomoko hatuhuka mukachi kenu, hakondolola akwa limbo lio ngwo, Tatuyenu, tuvumbike tuzambi tweka, kunwatunyingikine,

Shimbi 13:14

Henaho nuhule, nuhengule, nusunge kanawa, kumanyi, nyi chamwenemwene, cha pundu ngwo, Ungulungulu upwa hoho anaulingi mukachi kenu,

Akwa Kuyula 19:22

Shimbu machiwahisa mbunge jo malunga a chihunda, atu amokomoko, aselekele zuwo nikungongwela ha pito nikwamba kuli mukulwana, mwata wa zuwo, ngwo, Lunga yoze wezanga ku zuwo lie, mutuhwise haze tukapombe nenyi.

Akwa Kuyula 2:10

Chisemuko chize cheswe ayile kuli tulamba two; kwasemukine chisemuko chikwo kulutwe lio, cha waze kanyingikine Yehova chipwe chitanga chize halingila A-Izalele.

1 Samuel 10:27

Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.

1 Samuel 25:17

Kashika nyingika chuma chino unyonge chize mulinga, mumu kananyongo kulinga chuma chikalu kuli mwata wetu ni kuli akwa zuwo lienyi eswe se niumwe mahasa kuhanjika nenyi mumu ha kupiya chenyi.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.

1 Samuel 3:7

Samuel kanda achinyingika Yehova; chipwe liji lia Yehova te kanda achilivwa.