1 Samuel 2:10 - MUKANDA USANDU WA ZAMBI 1975

¹⁰ Waze malitachika ni Yehova kumakamakwoka tuyipinji; malimika no nikukulunguza mwilu. Yehova makapatwila masongo a hashi. Makahana tachi kuli mwanangana wenyi; makazundula mbinga ya yoze hamuwayisa ni maji.

Mukanda Wa Zambi 1970

¹⁰ Mwene Zambi makabatwola yipinji akwa kole jenyi, makalimika no ni kukulunguza mwilu. Mwene Zambi makabatwila akwa hashi eswe; makahana tachi kuli mwanangana wenyi, makakwasa mwanangana yoze hatongola kukumba.”

1 Samuel 2:10 Iomraidhean Croise

2 Samuel 22:14

Yehova wakulungujile mwilu, mwe Chitunda wahanjikile liji lienyi.

2 Samuel 7:13

Iye kumakatunga zuwo ha jina liami, mba yami kumungukakolesa ngunja ya wanangana wenyi yikapwe ya mutolo.

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

Jobe 40:9

Kwoko lie chimuwika liapwa ni lia Zambi? Muhasa kukulunguza ngwe liji lienyi?

Miaso (Masamu) 132:17

Kwenako mungusokolokesa mbinga ya David. Hingunalulika ndeya hali yoze namuwayishile ni maji.

Miaso (Masamu) 148:14

Iye hanazundula mbinga ya atu jenyi, ni uhaliso wa asandu jenyi eswe; e ana a Izalele, atu aze atwama hehi nenyi. Halisenu Yehova!

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 2:9

Kumukaamakuna ni lukanda wa utale, kumukaashiha tuyipinji ngwe sapa ya tengi.

Miaso (Masamu) 20:6

Haliapwila ngunanyingika ngwami, Yehova Kakulamwina yoze hanamuwayisa ni maji. Mamukumbulula ku malilu jenyi asandu ni tachi ja kulamwina ja ku chindume chenyi.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Miaso (Masamu) 21:1

Mwe mwanangana mawahilila mu tachi je, Yehova; kumawahilila chimwe mu ulamwino we!

Miaso (Masamu) 28:8

Yehova iye tachi jo; iye mbonge ya ulamwino kuli yoze hanamuwayisa ni maji.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Miaso (Masamu) 89:17

Mumu yena uli uhenya wa tachi jo. Mu vumbi lie mbinga yetu muyikanangama.

Miaso (Masamu) 89:24

Alioze umwenemwene wami ni utu wa zango liami muyikatwama nenyi. Makanangamisa mbinga yenyi mu jina liami.

Miaso (Masamu) 89:25

Kumungusa kwoko lienyi ha kalunga-lwiji; kwoko lienyi lia chindume mungulisa ha njiji.

Miaso (Masamu) 96:13

kumeso ja Yehova mumu kaneza. Kaneza mukupatwila akwa hashi, kumakapatwila muno-muze ni ululi, ni mavungu kumakaapatwila ni umwenemwene.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Kutuhuka 15:6

Yehova, kwoko lie lia chindume kuliapwa lilemu ni tachi. Yehova, kwoko lie lia chindume hiliawonda mukwa kole.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Izaya 29:6

Yehova-wa-Tujita meza kuli yena ni kukulunguza, ni munyiko, ni Chizungozungo, ni chijimbi, ni kangonga, ni mulengi wa kahia ka kulalisa.

Izaya 32:1

Umwe mwanangana makayula ni ululi; ni alemu makayula nikulita.

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Ezekiel 29:21

Ha tangwa lize mungukasokesa mbinga hakachi ka akwa munyachi wa Izalele mba mungukapakula mivumbo ye hakachi ko. Henaho makanyingika yami nguli Yehova.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

Luka 19:27

Alioze wano akwa kole jami, waze kazangile yami ngwayule, anehenu kuno, nwashihe kumeso jami.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 4:27

mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.

1 Samuel 12:13

Kashika talenu mwe mwanangana hinwatongola, hinweta. Yehova hanusela mwanangana kunuyula.

1 Samuel 12:17

Musono ngwami tangwa lia kucha tiliku, nyi? Mungutambika kuli Yehova atume kukulunguza ni vula nukanyingike nukamone ungulungulu wenu unene hinwavulumuna kumeso ja Yehova ha kwita mwanangana.

1 Samuel 12:18

Chocho Samuel yatambika kuli Yehova mba Yehova yatuma kukulunguza ni vula tangwa lioliene, mba atu eswe evwilile woma wunji Yehova ni Samuel.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 7:10

Shimbu Samuel machilambula mulambu wa kulumba A-Filistea akundamine mukwasa jita ni A-Izalele. Alioze Yehova yakulunguza tangwa lize ni liji linene hali A-Filistea, yaakumba, yaalamba chikolo kuli A-Izalele.