1 Samuel 2:1 - MUKANDA USANDU WA ZAMBI 1975

¹ Mba Hana walembele ngwenyi, Mbunge yami yinawahilila muli Yehova, mbinga yami yazunduka muli Yehova. Kanwa liami hiliatoha helu lia akwa kole jami, mumu ngunawahilila mu ulamwino we.

Mukanda Wa Zambi 1970

¹ Mba Hana yasakwila Zambi ngwenyi: “Mwene Zambi hananguwahisa, ngunawahilila ha yize hangulingila. Ngunasehe akwa kole jami. Ngunawahilila mumu Zambi hangukwasa!

1 Samuel 2:1 Iomraidhean Croise

2 Sango Ja Mianangana 20:27

Mba yahiluka eze ku Yerusaleme ni uwahililo, malunga eswe a Yunda ni Yerusaleme, ni Yehosofate kulutwe lio; mumu Yehova haaha uwahililo hali akwa kole jo.

Nehemia 11:17

Ni Matania mwana Mika, mwana Zapati, mwana Asafwe, mukwa lutwe kusongwela kusakwila ni kulemba, ni Bakubukia wamuchiali hakachi ka usoko wenyi; ni Abada mwana Shamua, mwana Ngalale, mwana Yedutune.

Jobe 16:15

Hinalitongela chikeleyi ha kowa liami; hinasa tachi jami mu fufuta.

Miaso (Masamu) 118:14

Yehova iye tachi jami ni mwaso wami. Iye hanapu ulamwino wami.

Miaso (Masamu) 13:5

Alioze kunafuliela mu utu wa zango lie. Mbunge yami muyiwahilila mu ulamwino we.

Miaso (Masamu) 148:14

Iye hanazundula mbinga ya atu jenyi, ni uhaliso wa asandu jenyi eswe; e ana a Izalele, atu aze atwama hehi nenyi. Halisenu Yehova!

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 20:5

Kumutukumba mu ulamwino we; mu jina lia Zambi yetu mutujika mbandeira jetu. Yehova akulinge cheswacho unamwichi.

Miaso (Masamu) 21:2

Hiwamwaha chize mbunge yenyi yazangile, kwamuminyine chize echile ni mivumbo yenyi.(Litulike.)

Miaso (Masamu) 35:9

Mbunge yami muyiwaha muli Yehova; muyiwahilila mu ulamwino wenyi.

Miaso (Masamu) 51:15

Mwene, pakula kama mivumbo yami, mba kanwa liami mulikambulula uhaliso we.

Miaso (Masamu) 71:8

Kanwa liami mulikazala tò ni uhaliso we ni ulemu we tangwa lieswe nganganga.

Miaso (Masamu) 75:10

Mbinga jeswe ja yingulungulu mungujipatula, alioze mbinga ja akwa ululi kumajihetula.

Miaso (Masamu) 89:17

Mumu yena uli uhenya wa tachi jo. Mu vumbi lie mbinga yetu muyikanangama.

Miaso (Masamu) 89:18

Mumu lukepwe wetu wa mbala wa Yehova. Mwanangana wetu wa mbala wa mwe Musandu wa Izalele.

Miaso (Masamu) 89:24

Alioze umwenemwene wami ni utu wa zango liami muyikatwama nenyi. Makanangamisa mbinga yenyi mu jina liami.

Miaso (Masamu) 9:14

Hanga ngukambujole lufuma we mweswe mu yikolo ya mwana wa pwo Zaione. Kumunguwahilila mu ulamwino we.

Miaso (Masamu) 92:10

Alioze mbinga yami hiwayinangamisa ngwe mbinga ya mbau. Hananguwayisa ni maji aha.

Kutuhuka 15:1

Hohene Mose ni A-Izalele embilile Yehova mwaso uno. Yamba ngwo, Mungwimbila Yehova mwaso, mumu iye hanangama kuhiana. Tuvwalu ni akwa kwaendesa yaanyasa mu kalunga-lwiji.

Kutuhuka 15:21

Miriame waakuwilile ngwenyi, Embilenu Yehova mwaso mumu iye hanangama kuhiana. Ni tuvwalu ni akwa kwaendesa yaanyasa mu kalunga-lwiji.

Habakuke 3:1

Kulemba cha profeta Habakuke, nikulita ni laka lia Shigionote.

Habakuke 3:18

hindu munguwahilila muli Yehova; mungulikwiza muli Zambi ya ulamwino wami.

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

Shimbi 33:17

Uhenya wenyi wapwa ngwe ngombe yenyi wa kuji mutangu kusemuka, mbinga jenyi japwa ngwe ja mbau mashinjika najo mavungu, e eswe lume, ndo ku masongo a hashi. Chocho apwa kumi lia tununu a Eframe ni tununu twa Manase.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

1 Petulu 1:8

yoze chipwe kunwamumwene, hindu nwakumuzanga; chipwe haliapwila kunushi kumumona, hindu se nunamufuliela, nwakulikwiza ni uwahililo uze keshi kuhasa kuuhanjika, wa tò ni uhenya.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

1 Samuel 1:6

Mba chihalika chenyi wamwihile chikolo nikumuvundula mumu Yehova hamujika ngoji yenyi.

1 Samuel 1:7

Chocho chapwile mwaka ha mwaka, jila yeswe ayile ku zuwo lia Yehova iye wamwihile. Kashika Hana walilile, kasolo kulia.