1 Samuel 19:5 - MUKANDA USANDU WA ZAMBI 1975

⁵ Mumu wanjilile mu Utoji ni kushiha mwe Ka-Filistea mba Yehova walingile kukumba chinene hali A-Izalele. Ni yena kuwachimwene, yiuwahilila, kashika kuchi te muvulumuna manyinga keshi mulonga ukashihe David, chitela chakuhi?

Mukanda Wa Zambi 1970

⁵ Hananjila mu utoji wa kufwa muze ashihile mwe Goliate mba Mwene Zambi yakwasa Aisraele kukumba kuhiana. Ni yenu nwachimwene, yinuwahilila. Mba kuchi munuvulumuna ni kushiha mutu yoze keshi chitela?”

1 Samuel 19:5 Iomraidhean Croise

2 Samuel 23:10

Iye yakatuka, yalamba A-Filistea ndo kwoko lienyi Hakala, liakakachila ku katana. Yehova yalinga kukumba chinene tangwa lize. Atu amukawile kupupa upite wika.

1 Sango Ja Mianangana 11:14

Ahoze o amanyine hakachi ka munda nikuuashila jita. Yashiha A-Filistea, ni Yehova waalamwinyine ni kukumba chinene.

1 Sango Ja Mianangana 11:18

E malunga atatu yapula ndusu mu mbunga ya A-Filistea; yataha meya a mu shima ha Mbeteleme lili ku chikolo; yaambata; yaaneha kuli David. Alioze iye kasolo kwanwa. Yaazujila kumeso ja Yehova.

Miaso (Masamu) 109:5

O hanangwehe yipi ha yipema. Hananeha kole ha zango liami.

Miaso (Masamu) 119:109

Mwono wami ngunaukwata mu kwoko liami matangwa eswe, hindu chishi kuvulama shimbi ye.

Miaso (Masamu) 25:3

Hakachi ka waze akutalatala kuli yena niumwe mevwa sonyi, alioze kumevwa sonyi waze akulinga ni mafwefwe, chikuma keshi nacho.

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Miaso (Masamu) 94:21

Kakukungulukila mukulimika ni mwono wa mukwa ululi, nikuhisa manyinga aze anasambe.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Jeremia 26:15

Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Mateu 27:24

Achi, muze Pilatu amwene ngwe kalingile nichimwe, alioze te mukupwa zungo, wanjile meya, wasanyine ku moko jenyi kumeso ja mbunga, ngwenyi, Ngunasambe ku manyinga ja yono mukwa ululi, chitalenu yenwene.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Yoano 15:25

Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Filipu 2:30

mumu ha milimo ya Kristu wakundamine ku kufwa, nikusela mwono wenyi ku Utoji, hanga akangumwese chize nwahonene ha kulingila chenu kuli yami.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Akwa Kuyula 12:3

Kashika muze namwene ngwami kunuchi kungupulula, nalisele mu Utoji, nazaukile kuli A-Amone, mba Yehova waakunjikile mu moko jami. Mba kuchi te nuneza kuli yami musono mukwasa jita ni yami?

Akwa Kuyula 9:17

mumu tata wanwashilile jita, nikunjila mu Utoji akanupulule ku moko ja A-Mindiane.

1 Samuel 11:13

Alioze Saulu yamba ngwenyi, Kechi kushiha niumwe musono, mumu musono Yehova hapulula A-Izalele.

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.

1 Samuel 19:6

Saulu yapanjika ku liji lia Jonatas, yalishinga ngwenyi, Ni mwono wa Yehova, kechi kamushiha.

1 Samuel 20:32

Jonatas yakumbulula kuli tato Saulu ngwenyi, Kuchi te mamushiha? Yika alinga?

1 Samuel 22:14

Ahimeleke yakumbulula kuli mwanangana ngwenyi, Mba hakachi ka tuvumbi twenu eswe, mutu wa jika iya ngwe tatenu-weno David, kanda kapitau ka akwa kufunga mwanangana, kanda mulemu mu zuwo lienu?

1 Samuel 28:21

Pwo yeza kuli Saulu, mba muze hamona mwongo wenyi yamba kuli iye ngwenyi, Talenu yami kavumbi kenu hinapanjika kuli yenu. Hinapanjika kuli yenu nikunjila mu Utoji wa mwono wami ni kupanjika chize nwangwambanga.