1 Samuel 19:20 - MUKANDA USANDU WA ZAMBI 1975

²⁰ Saulu yatuma tunganda kukwata David. O muze hamona mbunga ya aprofeta kanaprofeteza ni Samuel kanamana mukwa lutwe hakachi ko, Spiritu ya Zambi yahulumukina hali tunganda twa Saulu no nawa aprofetezele.

Mukanda Wa Zambi 1970

²⁰ Saulu yatuma tunganda hanga akwate David. Ayo, muze haamona mbunga ya akwa munanyi, kaanamana ni kuhanjika munanyi, ni Samuel mwe tetekeli yo, Mwiku wa Zambi yiuhulumukina tunganda ni tachi, no nawa yaahanjika munanyi.

1 Samuel 19:20 Iomraidhean Croise

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Kwalula 24:2

Mbalau yahetula meso jenyi, yamona Izalele o te kanatwama nikulita ni minyachi yo. Spiritu ya Zambi yapwila hali iye.

Yoano 7:32

A-Fwariseu evwile mbunga nikulinyenyeta yino yuma ha kutwala kuli iye; asasendote akwa lutwe ni A-Fwariseu atumine tupita, hanga akamukwate.

1 Korintu 14:3

Alioze yoze maprofeteza, mahanjika kuli atu maliji a kukolesa, a kushinjila, a kusangulwisa.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.

1 Samuel 19:11

Ufuku uze Saulu yatuma tunganda ku zuwo lia David akamutale, hanga amushihe ha chimene. Alioze Mikale, pwo lia David, yamulweza ngwenyi, Nyi kwalilamwinyine musono, hamene makushiha.

1 Samuel 19:14

Mba muze Saulu hatuma tunganda kukwata David iye yamba ngwenyi, Kanayiji.

1 Samuel 19:19

Atu yambulwila Saulu ngwo, David ku Naiote ali, mu Rama.

1 Samuel 19:21

Muze hambulwila Saulu yatuma tunganda akwo alioze o nawa aprofetezele. Saulu yatuma chisuho chamuchitatu, no nawa aprofetezele.