1 Samuel 19:10 - MUKANDA USANDU WA ZAMBI 1975

¹⁰ Saulu yeseka kumupalakenya ku yishimi ya zuwo ni kunga lienyi. Aye yalieha mba kunga yilikwata mu yishimi. David yachina, yalilamwina.

Mukanda Wa Zambi 1970

¹⁰ Saulu yeseka kubalakenya David ku mbango ya zuwo ni kunga lienyi. Alioze David yalieha, mba kunga yilikwata mu mbango, David yachina.

1 Samuel 19:10 Iomraidhean Croise

Miaso (Masamu) 124:7

Mbunge jetu hijinasúka ngwe kajila masúka ku kambwila lia yipinda. Kambwila linafu mba yetu hitunasúka.

Miaso (Masamu) 18:17

Wangupulwile kuli mukwa kole yami wa tachi. Wangupulwile kuli waze anguvwilile kole mumu angukumbile naye ni ngolo.

Miaso (Masamu) 34:19

Mukwa ululi luyinda munji akwete, alioze Yehova kakumupulula ku luyinda wenyi mweswe.

Miaso (Masamu) 37:32

Chingulungulu kakutala mukwa ululi. Kakufupa kumushiha.

Yishima 1:16

mumu molu jo kakutambuka ku yipi, kakulipupwisa kumwanga manyinga.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Hosea 6:4

Ngulinge yika ni yena Eframe? Ngulinge yika ni yena Yunda? Zango lie Hapwa ngwe lelwa lia chimene; ngwe mume uze wakuya washiwashi.

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Luka 4:30

Alioze iye, nikupalika ndusu mukachi ko, wayile kwenyi.

Yoano 10:39

Afupile kashika cheka nawa kumukwata: iye wakatukile kuli ayo.

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.

1 Samuel 18:10

Mu kucha Spiritu mupi wa kuli Zambi wejile hali Saulu ni tachi mba yaprofeteza mu zuwo. David te kanembi ni kwoko lienyi chizechene ngwe tangwa ha tangwa. Saulu kali ni kunga mu kwoko.

1 Samuel 18:11

Saulu yakonga kunga mumu yamba ngwenyi, Mungumupalakenya ku yishimi. David yalieha kaali kumeso jenyi.

1 Samuel 19:6

Saulu yapanjika ku liji lia Jonatas, yalishinga ngwenyi, Ni mwono wa Yehova, kechi kamushiha.

1 Samuel 20:33

Alioze Saulu yakonga kunga amwase, kashika Jonatas hanyingika ngwenyi, Tata hasa mbunge yenyi kushiha David.