1 Samuel 18:7 - MUKANDA USANDU WA ZAMBI 1975

⁷ Mapwo alitawijile umwe ni mukwo ngwo, Saulu hashiha tununu twenyi; David hashiha makumi jenyi a tununu.

Mukanda Wa Zambi 1970

⁷ E mapwo yaalitawiza ngwo: “Saulu hashiha tununu twenyi, David hashiha makumi jenyi a tununu.”

1 Samuel 18:7 Iomraidhean Croise

2 Samuel 18:3

Alioze e atu yamba ngwo, Kanda nuya, mumu nyi yetu mutuchina kechi kuchilemesa. Chipwe chihanda cha ha muchima cha yetu mutufwa kechi kuchilemesa. Alioze yenu nunalite ni kumi lia tununu twa yetu, kashika hapwa nutwame mu chihunda nukahase kutukwasa.

2 Samuel 23:1

Maliji asula a David wano: David mwana Yese, lunga wa kumunanga misa kwilu; yoze amuwayishile ni maji kuli mwe Zambi ya Yakomba, mukwa kutomba miaso yipema mu Izalele ngwenyi,

2 Samuel 6:5

David ni akwa vungu lia Izalele eswe awahililile kumeso ja Yehova ni yisaji ya mutondo wa kupresu; tulialia, ni yisaji ya kusa, ni tumikupiela, ni njalamina, ni sembalu.

Kutuhuka 15:21

Miriame waakuwilile ngwenyi, Embilenu Yehova mwaso mumu iye hanangama kuhiana. Ni tuvwalu ni akwa kwaendesa yaanyasa mu kalunga-lwiji.

1 Samuel 21:11

Alioze ngamba ja Akishe yamba kuli iye ngwo, Au hi David ko mwanangana wa chifuchi? Ngwetu mwenawo embilile nikutawiza ha kuhangana cho ngwo, Saulu hashiha tununu twenyi; David hashiha makumi jenyi a tununu.

1 Samuel 21:12

David yapachika maliji ano mu mbunge, yavwila woma Akishe mwanangana wa Ngata.

1 Samuel 29:5

Au ngwetu, David yoze embile umwe kuli mukwo ni kuhangana ngwo, Saulu hashiha tununu twenyi; David hashiha makumi jenyi a tununu.