1 Samuel 18:6 - MUKANDA USANDU WA ZAMBI 1975

⁶ Alioze chapwile te ha kuhiluka ku kushiha Ka-Filistea mapwo atuhukile mu membo eswe a Izalele kupatwiza mwanangana Saulu nikwimba, nikuhangana, ni tumikupiela, ni kulikwiza ni yisaji.

Mukanda Wa Zambi 1970

⁶ Alioze muze haatuhuka mu jita kuze ashihilile Goliate mapwo yaatuhuka mu membo eswe ja Aisraele ni kubatwiza mwanangana Saulu nikwimba miaso ya kuwahilila, ni kuhangana, ni kwimba miyaya ni tulialia.

1 Samuel 18:6 Iomraidhean Croise

2 Samuel 1:20

Kanda nuchambulula mu Ngata, kanda nuchifumanyishina mu matapalo a Asekalone, kuchina mapwo A-Filistea mawahilila, kuchina mapwo ja yilima malikwiza.

2 Samuel 6:5

David ni akwa vungu lia Izalele eswe awahililile kumeso ja Yehova ni yisaji ya mutondo wa kupresu; tulialia, ni yisaji ya kusa, ni tumikupiela, ni njalamina, ni sembalu.

Miaso (Masamu) 149:3

Akahalise jina henyi nikuhangana. Akamwimbile uhaliso ni kangoma ni kalialia.

Miaso (Masamu) 68:11

Mwanangana kakuhana liji, alioze mapwo aze mambulula sango, chihuji chinene.

Miaso (Masamu) 68:25

Akwa kwimba atetekelele; akwa yisaji akawile kunyima, hakachi ka ana-mapwo akwimba tungoma.

Kutuhuka 15:20

Profeta wa pwo Miriame, ndumbu ya Arone, wakwachile kamukupiela mu kwoko lienyi mba mapwo eswe yatuhuka hamwe nenyi ni tumikupiela nikuhangana.

Kutuhuka 15:21

Miriame waakuwilile ngwenyi, Embilenu Yehova mwaso mumu iye hanangama kuhiana. Ni tuvwalu ni akwa kwaendesa yaanyasa mu kalunga-lwiji.

Izaya 30:32

Ha kwalamba Yehova ni mbwechi yenyi ya kwafwetesa wapuwapu, muchipwa ni mwaso wa tumikupiela ni tulialia, shimbu iye masa no jita ni kwoko lienyi lia kuzundula.

Akwa Kuyula 11:34

Mba Jefeta yeza ku zuwo lienyi mu Mizepa. Kumanyi mwanenyi wa pwo yatuhuka kumupatwiza ni kamukupiela ni kuhangana. Iye te mwanenyi wa wika; mukwo keshi nenyi chipwe wa lunga chipwe wa pwo.

1 Samuel 18:5

David wayile kweswako Saulu wamutumine nikulinga ni mana, mba Saulu yamusa helu lia tujita twenyi. Acho chapemenene atu eswe. Chipwe ngamba eswe a Saulu chaapemenene.