1 Samuel 18:4 - MUKANDA USANDU WA ZAMBI 1975

⁴ Jonatas wazulile hina lienyi lia ngungu nikulihana kuli David, ni mazalo jenyi, chipwe katana kenyi, ni uta wenyi, ni muya wenyi.

Mukanda Wa Zambi 1970

⁴ Jonatane yazula hina lienyi lia lubula, yalihana kuli David, yamwaha nawa mahina jenyi a jita, ni mukwale, ni uta, ni muya.

1 Samuel 18:4 Iomraidhean Croise

Ubutukilo 41:42

Falau yachiza kazeya kenyi ka chijikilo ku kwoko lienyi, yamusa ha kwoko lia José. Yamujika ni uzalo wa hina lipema litoma. Yasa lenge lia oru ha kota yenyi.

2 Samuel 1:22

Uta wa Jonatas kuwahilukile kunyima, chipwe ku manyinga a waze haashiha, chipwe ku maji a akwa ndundo. Katana ka Saulu kahilukile mokomoko.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Ezekiel 23:15

ni miya mu mazalilo, ni mahina asuku ha mitwe yo, eswe ngwe tupitau, yizulie ya A-Babilonia waze asemukine mu Kaletea.

Luka 15:22

Alioze tato wambile kuli ndungo jenyi ngwenyi, Nehenu nikawashi mazalo apema ahiana, numujike; senu kazeya ku kwoko lienyi, jikenu haku ku molu jenyi.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

1 Samuel 17:38

Saulu yajika David ni mazalo jenyi, ni ngalau ya unengu ha mutwe wenyi, ni chikuto chenyi cha utale.

1 Samuel 18:5

David wayile kweswako Saulu wamutumine nikulinga ni mana, mba Saulu yamusa helu lia tujita twenyi. Acho chapemenene atu eswe. Chipwe ngamba eswe a Saulu chaapemenene.