1 Samuel 18:27 - MUKANDA USANDU WA ZAMBI 1975

²⁷ kashika David ni malunga jenyi yakatuka, yaya, yashiha kulakaji aali a A-Filistea. Mba David yaneha misosha yo, yayihana yeswe kuli mwanangana akapwe tato-weno ya mwanangana. Chocho Saulu wamuhele mwanenyi Mikale akapwe pwo lienyi.

Mukanda Wa Zambi 1970

²⁷ David ni tujita twenyi yaakatuka, yaaya kwo, yaashiha kulakaji jaali ja Afilistia. Mba David yaneha mishosha yo yeswe kuli mwanangana, yayalula hanga akabwe Ukwe wenyi. Chenacho Saulu ahangishile mwanenyi Mikale kuli David.

1 Samuel 18:27 Iomraidhean Croise

2 Samuel 3:13

Iye yakumbulula ngwenyi, Chipema. Mungukolesa usendo ni yena, alioze chuma chimuwika Chakutamba kulinga. Kuchi kumona meso jami ndo mulianga kuneha Mikale mwana Saulu, muze muwiza kungumona.

2 Samuel 3:14

Mba David yatuma tunganda kuli Isheboshete mwana Saulu ngwenyi, Pe pwo liami Mikale yoze namwechelele chihako cha kulakaji lia misosha ya A-Filistea.

Akwa Kuyula 14:19

Spiritu ya Yehova yahulumukina hali iye ni tachi. Yapalumuka ku Asekalone; yashiha makumi atatu a malunga a ku chihunda; yapupa upite wo; yahana mazalo kuli waze ajimbwile chijimbikilo. Yaya ku zuwo lia tato ni ufwatulo wunji.

1 Samuel 14:49

Ana ja Saulu a malunga wano, mukwo Jonatas, mukwo Ishivi, mukwo Malakishua. Majina ja anenyi a mapwo wano, lia mukulwana Merabe, lia kanuke Mikale.

1 Samuel 18:13

Kashika Saulu yakatwisa David yamusa kapitau kenyi ka kanunu. Yatuhwoka yanjilanjila kumeso ja atu.

1 Samuel 18:17

Saulu yamba kuli David ngwenyi, Tala Merabe mwanami wa mukulwana, mungukwahayo akapwe pwo lie. Chino wika, pwako chitakame chami ukashile jita Yehova. Mumu Saulu yanyonga ngwenyi, Kwoko liami kanda Ukapwa hali iye alioze achilinge A-Filistea.

1 Samuel 18:28

Mba Saulu yamona, yanyingika ngwenyi, Yehova kwali hamwe ni David. Chikwo nawa Mikale mwana Saulu wazangile David.

1 Samuel 25:44

Saulu te hahana mwanenyi Mikale pwo lia David kuli Palti mwana wa Laishe wa ku Ngalimi.