1 Samuel 18:17 - MUKANDA USANDU WA ZAMBI 1975

¹⁷ Saulu yamba kuli David ngwenyi, Tala Merabe mwanami wa mukulwana, mungukwahayo akapwe pwo lie. Chino wika, pwako chitakame chami ukashile jita Yehova. Mumu Saulu yanyonga ngwenyi, Kwoko liami kanda Ukapwa hali iye alioze achilinge A-Filistea.

Mukanda Wa Zambi 1970

¹⁷ Saulu yambila David ngwenyi: “Nyi muukabwa chitakame ni mukwa kushishika ha kwashila Mwene Zambi jita, mungukakwaha Merabe mwanami wa mukulwana akabwe pwo lie.” (Saulu yanyonga ngwenyi, Chenacho Afilistia maakashiha David, hi yami ko.)

1 Samuel 18:17 Iomraidhean Croise

2 Samuel 11:15

Yasoneka mu mukanda ngwenyi, Sako Uriya kulutwe mu jita yize yahiana kusasaminya. Mba munumwehuka akamulambe, akafwe.

2 Samuel 12:9

Kuchi te hiwalelesa liji lia Yehova ukalinge chize chamupihila? Uriya Ka-Hete hiwamushihisa ni katana. Hiwatambula mukwo-pwo akapwe pwo lie. Iye te wamushihisa ni katana ka A-Amone.

2 Samuel 6:16

Ha kuheta mushete wa Yehova kwimbo lia David Mikale mwana Saulu yatalila ku njanela, yamona mwanangana David kanatumbwoka ni kuhangana kumeso ja Yehova, kashika yamulelesa mu mbunge yenyi.

Miaso (Masamu) 12:2

Mweswe kakuhanjika yuma yamokomoko kuli mwenyembo wenyi. Kakuhanjika ni mivumbo ya kupepieka, ni mbunge jiali.

Miaso (Masamu) 55:21

Kanwa lienyi liasenenene ngwe maji a yamwa, alioze mbunge yenyi yapwile jita. Maliji jenyi ovulile kuhiana maji hindu apwile poko ja kutomona.

Yishima 26:24

Mukwa kole kakwonga ni mivumbo yenyi mumu kakutulika kwonga muchima lienyi.

Yishima 26:25

Muze mahanjika kanawa kanda umufuliela mumu kali ni yizelwokeso shimbiali mu mbunge yenyi.

Yishima 26:26

Chipwe kole yenyi kuyalifuka ni ulembekese, ungulungulu wenyi mausolola kumeso ja chikungulwila.

Kwalula 21:14

Kashika kanambe mu mukanda wa Jita ya Yehova ngwo, Ku Vahebe mu Sufa, ni mu yikuto ya Amone,

Kwalula 32:20

Mose yamba kuli ayo ngwenyi, Kachi munukalinga chuma chino, kachi munukalipakata mukuya kumeso ja Yehova ku jita,

Kwalula 32:27

Alioze yetu ndungo jenu mutukazauka, malunga eswe, mutu ni mutu wa kulipakata ku jita, kumeso ja Yehova ku jita, ngwe mwata wetu anambe.

Kwalula 32:29

Mose yamba kuli ayo ngwenyi, Kachi A-Ngate ni A-Rupene makazauka Yordau hamwe ni yenu, malunga eswe, mutu ni mutu wa kulipakata ku jita, kumeso ja Yehova, kachi makazeyesa chifuchi kumeso jenu, henaho nukaahe chifuchi cha Ngiliate chikapwe nicho.

Shimbi 17:7

Moko ja yela aliange kumukwata mukumushiha, mba ha kusula, moko ja atu eswe. Chocho munukatwisa che chipi hakachi kenu.

1 Samuel 14:49

Ana ja Saulu a malunga wano, mukwo Jonatas, mukwo Ishivi, mukwo Malakishua. Majina ja anenyi a mapwo wano, lia mukulwana Merabe, lia kanuke Mikale.

1 Samuel 17:25

A-Izalele yamba ngwo, Hiwamona yoze lunga hakanduka? Pundu hakanduka mukutomba A-Izalele. Mweswawo mamushiha, mwanangana mamwaha upite wunji, mamwaha mwanenyi wa pwo kumbata, matusula munyachi wa tato mu Izalele.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.

1 Samuel 17:47

Chikwo nawa hanga wano eswe anakunguluka kuno akanyingike ngwo, Yehova keshi kutemwina ni katana hanji ni kunga. Mumu jita ya mbala ya Yehova neye makuhana mu kwoko lietu.

1 Samuel 18:21

Yamba ngwenyi, Mungumwahaye akapwe kambwila kuli iye. A-Filistea akalimike nenyi. Kashika Saulu yamba kuli David ngwenyi, Musono muopwa tata-weno kamuchimbule kamuchiali.

1 Samuel 18:25

Saulu yamba ngwenyi, Ambenu kuli David ngwenu, Mwanangana kazangile yihako yikwo shina misosha ya kulakaji lia A-Filistea akalikale hali akwa kole jenyi. Saulu kananyongo ngwenyi, David mafwa kuli A-Filistea.

1 Samuel 18:27

kashika David ni malunga jenyi yakatuka, yaya, yashiha kulakaji aali a A-Filistea. Mba David yaneha misosha yo, yayihana yeswe kuli mwanangana akapwe tato-weno ya mwanangana. Chocho Saulu wamuhele mwanenyi Mikale akapwe pwo lienyi.

1 Samuel 25:28

Konekenenu kama mulonga wa yami kavumbi kenu, mumu pundu Yehova makakolesa zuwo lia yenu mwene wami. Mumu yenu mwene wami nunase jita hali Yehova; chipi kechi kachiwana muli yenu matangwa eswe a mwono wenu.

1 Samuel 30:26

Ha kuheta ku Zikalage David yatuma chihanda cha upite kuli masepa jenyi makulwana ja Yunda ngwenyi, Tambulenu chawana chenu cha ku upite wa akwa kole ja Yehova.