1 Samuel 18:16 - MUKANDA USANDU WA ZAMBI 1975

¹⁶ Alioze A-Izalele ni A-Yunda eswe azangile David mumu watuhwokele ni kunjilanjila kumeso jo.

Mukanda Wa Zambi 1970

¹⁶ Alioze Aisraele ni Auyda eswe yaazanga David, mumu te kali mwata wa tachi ha kukumba mu jita.

1 Samuel 18:16 Iomraidhean Croise

2 Samuel 5:2

Kunyima muze Saulu wapwile mwanangana wetu hindu yenu nwasongwelele A-Izalele ha kutuhuka ni ha kunjila, mba Yehova wanwambile ngwenyi, Yena muopwa kafunga ka atu jami A-Izalele. Yena muopwa mwanangana wa Izalele.

1 Yitanga Ya Mianangana 3:7

Haliapwila, Yehova Zambi yami, hiwangupwisa yami kavumbi ke mwanangana kusalakana tata David, Ami napwa ngwe mwana-kemba; Chanyingikine chipwe kutuhuka chipwe kunjila.

Estere 10:3

Mumu mwe Ka-Yunda Mordekai wali hachile kuli mwanangana Ahashueru ni chiyulo, munene hakachi ka A-Yunda. Amutayijile hakachi ka usoko wenyi ha kufupa kuwahisa atu jenyi ni kuhanjika sambukila ku munyachi wenyi weswe.

Kwalula 27:17

akapwe nikutuhwoka kulutwe lio, akapwe nikunjilanjila kulutwe lio, akapwe nikwatwala haze, akapwe nikwanjisa, kuchina chikungulwila cha Yehova muchipwa ngwe mapanga keshi kafunga.

Luka 19:48

Alioze kawanyine chize mahasa kulinga; mumu atu eswe amupanjikile ni mbunge yeswe.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

1 Samuel 18:13

Kashika Saulu yakatwisa David yamusa kapitau kenyi ka kanunu. Yatuhwoka yanjilanjila kumeso ja atu.

1 Samuel 18:15

Muze Saulu wamwene ngwenyi, David kanalingi ni mana anji, yamuvwila woma.

1 Samuel 18:5

David wayile kweswako Saulu wamutumine nikulinga ni mana, mba Saulu yamusa helu lia tujita twenyi. Acho chapemenene atu eswe. Chipwe ngamba eswe a Saulu chaapemenene.