1 Samuel 18:10 - MUKANDA USANDU WA ZAMBI 1975

¹⁰ Mu kucha Spiritu mupi wa kuli Zambi wejile hali Saulu ni tachi mba yaprofeteza mu zuwo. David te kanembi ni kwoko lienyi chizechene ngwe tangwa ha tangwa. Saulu kali ni kunga mu kwoko.

Mukanda Wa Zambi 1970

¹⁰ Mukwacha mwiku ubi wa kuli Zambi yiuulumukina Saulu ni tachi, neye yahanjika ngwe kanazaluka. David te kanembi kalialia ngwe chize te akulinga matangwa eswe, Saulu te kali ni kunga lienyi mu kwoko.

1 Samuel 18:10 Iomraidhean Croise

1 Yitanga Ya Mianangana 18:29

Muze tangwa haputuka kusendala aprofetezele ndo kwakuya ku ola ya mulambu wa ngoloshi hindu chipwe liji, chipwe kumbululo, chipwe mukwa kwivwa; nichimwe.

1 Yitanga Ya Mianangana 22:12

Aprofeta eswe chocho aprofetezele ngwo, Kanduka ku Ramote-Ngiliate nikuwaha, mumu Yehova machikunjika mu kwoko lia mwanangana.

Jeremia 28:11

Hanania yahanjika kumeso ja atu eswe ngwenyi, Yehova kanambe ngwenyi, Chocho mungupatula kanga ya Nabukanezore mwanangana wa Babilonia ku makota ja mavungu eswe ni miaka yiali kanda yihwa. Alioze profeta Jeremia yaya kwenyi.

Yilinga 16:16

Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

2 A-TESALONIKA 2:11

Ha chikuma chino, Zambi makatuma kuli ayo kulinga cha maliji akupiangula, hanga akafuliele mahuza;

Akwa Kuyula 16:20

Pwo yamba ngwenyi, Samasone, A-Filistea hakuwana! Mba iye yalaula ha tulo, yamba ngwenyi, Mungutuhuka ngwe matangwa akwo nikulisakumwinayo. Alioze kanyingikine ngwenyi, Yehova hanangukatuka.

1 Samuel 16:23

Mba muze Spiritu mupi wa kuli Zambi wapwile hali Saulu, David manda kalialia nikwimba ni kwoko lienyi ndo Saulu hahuzuluka, hahinduka ni mwe Spiritu mupi hamwecha.

1 Samuel 18:9

Chize ku tangwa lize Saulu yamutala.

1 Samuel 19:10

Saulu yeseka kumupalakenya ku yishimi ya zuwo ni kunga lienyi. Aye yalieha mba kunga yilikwata mu yishimi. David yachina, yalilamwina.

1 Samuel 19:7

Mba Jonatas yasanyika David, yamulweza yuma yino yeswe. Jonatas yaneha David kuli Saulu, yatwama kumeso jenyi chizechene ngwe walingile kunyima.

1 Samuel 19:9

Haze hene Spiritu mupi wa kuli Yehova wejile hali Saulu shimbu machitwama mu zuwo lienyi ni kunga lienyi mu kwoko; David te kanamwimbila kalialia.

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.