1 Samuel 17:8 - MUKANDA USANDU WA ZAMBI 1975

⁸ Yamana nikukolojoka kuli maswalale a Izalele ngwenyi, Kuchi te hinwatuhuka ni kululika mikana yenu ha jita? Ami ngwami, nguli Ka-Filistea ni yenu nuli ngamba ja Saulu. Tongolenu lunga umwe hakachi kenu eze kuli yami.

Mukanda Wa Zambi 1970

⁸ Goliate yamana ni kukololoka kulutwe lia tujita twa Aisraele ngwenyi: “Kuchi kevwe hinwatuhuka ni kulilonga ni kwasa jita? Yami nguli Kafilistia, ngwami yenu nuli ndungo ja Saulu, cheka? Tongolenu umwe lunga eze ase jita ni yami.

1 Samuel 17:8 Iomraidhean Croise

2 Samuel 11:11

Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

1 Sango Ja Mianangana 21:3

Joabe yamba ngwenyi, Yehova aweze kuli atu jenyi kulakaji lia yisuho alioze, mwene mwanangana wami, te kapwile eswe tuvumbi twenu? Kuchi te mwene wami kanazange kulinga chuma chino? Kuchi te nunazange kukokela mulonga A-Izalele?

1 Samuel 17:23

Shimbu machihanjika no kwakatukile ku mikana ya A-Filistea mwe chitakame, Ka-Filistea wa ku Ngata; jina lienyi Ngoliate. Yahanjika maliji waze ene nawa. David yaevwa.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 8:17

Manutambula chihanda cha kumi cha mapanga jenu ni pembe jenu, ni yenu munupwa ngamba jenyi.