1 Samuel 17:51 - MUKANDA USANDU WA ZAMBI 1975

⁵¹ Kashika David yazomboka, yamana hali Ka-Filistea, yanda katana kenyi nikumutomona mu chindalo chenyi, yamushiha, yamutapa mutwe. Muze A-Filistea yamona chitakame cho hafwa, yachina.

Mukanda Wa Zambi 1970

⁵¹ Kashika David yazomboka, yamana hehi ni Goliate, yamutomona mukwale, yamubatula mutwe. Muze Afilistia haamona chize chitakame cho hafwa, yaachina.

1 Samuel 17:51 Iomraidhean Croise

2 Samuel 23:21

Yashiha nawa umwe Ka-Engitu; mutu mupema ku meso. Ka-Engitu te kali ni kunga mu kwoko lienyi alioze Benaia wakundamine kuli iye ni mulumbu; yachanga kunga ku kwoko lia Ka-Engitu yamushiha ni kunga lienyi mwene.

2 Samuel 4:7

Yanjila mu zuwo shimbu iye kanapombo ha muhela. Yamulamba nikumushiha. Yamutapa mutwe mba yanda we mutwe, yenda ufuku weswe ndusu mu Arapa.

Estere 7:10

Chocho yasukika Hamane ha mutondo iye te halulika hali Mordekai. Mba ufwatulo wa mwanangana yiutula.

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

1 Samuel 17:50

Chocho David yakumba Ka-Filistea ni liwe lia kukonga ni chikapa. Yalamba Ka-Filistea, yamushiha, alioze David te keshi ni katana mu kwoko lienyi.

1 Samuel 21:10

David yakatuka tangwa lize; yachina Saulu; yaya kuli Akishe mwanangana wa Ngata.

1 Samuel 21:9

Sasendote ngwenyi, Katana ka Ngoliate Ka-Filistea yoze washihile mu chikulo cha Ela tuli nenyi wa kuvunga mu hina kunyima lia efode. Nyi unazange kumbata yoze, mumbate mumu mukwo kutushi nenyi kuno. David ngwenyi, Kukushi mukwo walita nenyi; penuye!

1 Samuel 31:9

Yamutapa mutwe, yamuzula mazalo jenyi a utale, yatuma tunganda ndusu chifuchi cha A-Filistea akatwale lusango ku mahamba jo ni kuli e atu.