1 Samuel 17:44 - MUKANDA USANDU WA ZAMBI 1975

⁴⁴ Ka-Filistea yamba kuli David ngwenyi, Tweya ngukahane musunya we kuli tujila a mu tetela ni kuli tushitu a mu yambu.

Mukanda Wa Zambi 1970

⁴⁴ Yamwamba ngwenyi: “Tweya munguhana musunya we kuli tujila ni kuli tushitu a mu yambu.”

1 Samuel 17:44 Iomraidhean Croise

2 Samuel 21:10

Rizipa mwana wa Aya wa pwo yanda chikeleyi. Yalizazulwilacho ha liwe chize ha kuputuka cha kucha ndo vula wanokene munji. Katayijile tujila a mu tetela kupwila hali ayo ha mwalwa, chipwe tushitu a mu yambu ha ufuku.

Yishima 18:12

Shimbu kwonwona kanda chiheta mbunge ya mutu yakulizata; kulikehesa kuchakutetekela ulemu.

Jeremia 34:20

mungwakunjika kuli akwa kole jo ni kuli waze anazange kwashiha. Mijimba yo muyipwa kulia kuli tujila a mu tetela ni kuli tushitu a mu yambu.

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Usolwelo 19:17

Mba namwene mungelo, kanamana mu tangwa, iye wakololokele ni liji linene, kanambe kuli tujila waze eswe akuhumuka mukachi ka lilu ngwenyi, Tweyenu, nulikungulule ku chiteleka chinene cha Zambi;

1 Samuel 14:12

Maswalale yamba kuli Jonatas ni mukwa kumumbachila yitwa yenyi ngwo, Tweyenu kuno kuli yetu tunulweze chimwe. Jonatas yamba kuli mukwa kumumbachila yitwa ngwenyi, Kaula kunyima yami mumu Yehova hanaakunjika mu moko ja A-Izalele.

1 Samuel 17:46

Tangwa lino Yehova makukunjika mu moko jami mba mungukushiha, mungukutapa mutwe. Musono munguhana mijimba ya A-Filistea kuli tujila a mu tetela ni kuli tushitu a mu yambu, hanga akwa hashi eswe akanyingike ngwo, Kwali umwe Zambi mu Izalele.