1 Samuel 17:36 - MUKANDA USANDU WA ZAMBI 1975

³⁶ Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.

Mukanda Wa Zambi 1970

³⁶ Yami kavumbi kenu nashihile tambwe ni ursu, eswe aali. Mungulinga nawa chizechene kuli chilima yono Kafilistia yoze unalelesa chizavu cha tujita twa Zambi ya mwono.

1 Samuel 17:36 Iomraidhean Croise

2 Sango Ja Mianangana 32:17

Yasoneka nawa mikanda ya kuchoka Yehova Zambi ya Izalele ni kulimika nenyi ngwenyi, Chizechene ngwe mazambi a mavungu a yifuchi kapulwile atu jo ku kwoko liami, ni mwe Zambi ya Hezekia kechi kupulula atu jenyi ku kwoko liami.

Izaya 10:15

Njimbu muyilisamba helu lia mukwa kulinga nayo milimo? Selalo muyilitohesa kulimika ni mukwa kuyikwata? Chapwa ngwe kachi mbwechi muyizundula yoze mayikwata, hanji mulumbu muuzundula yoze kapwile mutondo.

Izaya 36:15

Kanda nutayiza Hezekia ha kwamba ngwenyi, Fulielenu Yehova, Yehova matupulula; mba chihunda chino kechi kuchihana kuli mwanangana wa Asuria.

Izaya 36:18

Kanyamenu, Hezekia kanda anwonga ha kwamba ngwenyi, Yehova matupulula. Te umwe zambi wa mavungu hapulula atu jenyi ku kwoko lia mwanangana wa Asuria?

Ezekiel 28:10

Kumukafwa ngwe yilima ku moko ja tundaka, mumu yami hinachamba. Chocho kanambe Mwene Yehova.

Ezekiel 32:19

Wahiana iya ni upeme? Palumuka ukapombe ni yilima.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Zakaria 12:3

Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.

Zakaria 2:8

Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso),

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:10

Mwe Ka-Filistea yamba nawa ngwenyi, Ngunatombo maswalale a Izalele musono uno. Ngwehenu umwe lunga tulilambe hamuwika.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:35

namukawile, yingumulamba nikumuchiza mu kanwa lienyi. Muze te mangukatukila, yingumukwata ku uzangi wenyi ni kumulamba nikumushiha.

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.

1 Samuel 18:17

Saulu yamba kuli David ngwenyi, Tala Merabe mwanami wa mukulwana, mungukwahayo akapwe pwo lie. Chino wika, pwako chitakame chami ukashile jita Yehova. Mumu Saulu yanyonga ngwenyi, Kwoko liami kanda Ukapwa hali iye alioze achilinge A-Filistea.

1 Samuel 31:4

Henaho Saulu yamba kuli mukwa kumumbachila yitwa ngwenyi, Tomona katana ke ungutuwe nenyi kuchina wano yilima meza manguwana mba mangutuwa ni manguyunga. Alioze mukwa kumumbachila yitwa katayile mumu woma wunji evwile. Kashika Saulu yanda katana kenyi mwene; yalikonaho.