1 Samuel 17:28 - MUKANDA USANDU WA ZAMBI 1975

²⁸ Yayo wa mukulwana Eliape wevwile muze ahanjikile ni malunga. Eliape yatenuka ni David ngwenyi, Yika unakaula ku kuno? Neya wahichika tumapanga tuze mu puya? Ngunanyingika kulengumuka che ni kuhuka cha mbunge ye. Hiweza ukamone ye jita lume.

Mukanda Wa Zambi 1970

²⁸ Yayo wa mukulwana, Eliabe, yevwa yize te David anahanjika ni tujita. Yatenukina David ngwenyi: “Yika unakakaula kuno? Neya wahichika chendo che chikepe cha mapanga mu puya? Ngunanyingika kulengumuka che ni uhuka wa mbunge ye. Hiweza lume nikutala jita.”

1 Samuel 17:28 Iomraidhean Croise

Ubutukilo 37:11

Ayayo amuvwilile ukwa, alioze tato wafungile maliji ano mu mbunge yenyi.

Ubutukilo 37:4

Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

2 Sango Ja Mianangana 11:18

Rehoboame yambata pwo Mahalate, mwana wa Jerimote mwana David ni mwana wa Abiale mwana wa Eliape mwana Yese.

Miaso (Masamu) 35:11

Akwa kushindakenya mahuza kanasoloka, kanangulamikiza yuma chayinyingikine.

Yishima 18:19

Mukwenu nyi wamuvulumuna chikalu kuwana nenyi; kupupa limbo likolo chashi. Milonga yino yakala ngwe njalo ja mbonge.

Yishima 27:4

Ufwatulo uswi ukwete; utenu kuwakuhungumuna, alioze iya mahasa kulikoleza ni ukwa?

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Mateu 10:36

akwa kole ja mutu kumakapwa akwa zuwo lienyi.

Mateu 27:18

Mumu wanyingikine ngwenyi, Hamukunjika mumu ha lufwachinda.

Marku 3:21

Muze usoko wenyi achivwile, atuhukile mukumukwata: mumu ambile ngwo, Kanazaluka.

Yuda 1:10

Alioze wano kakutuka yuma yeswayo kayinyingikine: ni chize ananyingika ku chisemewa, ngwe tushitu yipama, mu yino yuma kakulilumbula.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.

1 Samuel 17:29

David yamba ngwenyi, Yika nalinga kevwe? Te chikuma kuchishiko nyi?