1 Samuel 17:26 - MUKANDA USANDU WA ZAMBI 1975

²⁶ David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

Mukanda Wa Zambi 1970

²⁶ David yahula tujita waze amujingilikile ngwenyi: “Mwanangana chika mahana kuli yoze mashiha Kafilistia yono ni kuchiza luchoko kuli Aisraele? Chilima yono Kafilistia kali iya kashika unalelesa chizavu cha tujita twa Zambi ya mwono?”

1 Samuel 17:26 Iomraidhean Croise

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

2 Sango Ja Mianangana 32:17

Yasoneka nawa mikanda ya kuchoka Yehova Zambi ya Izalele ni kulimika nenyi ngwenyi, Chizechene ngwe mazambi a mavungu a yifuchi kapulwile atu jo ku kwoko liami, ni mwe Zambi ya Hezekia kechi kupulula atu jenyi ku kwoko liami.

Nehemia 5:9

Yingwamba nawa ngwami, Chino chuma nunalingi hi chipema ko. Chanutamba kwenda ni woma wa Zambi mumu ha sau lia akwa kole jetu a mavungu.

Miaso (Masamu) 44:13

Hiwatutenga ngwe sau kuli akwetu; hatulenya, hatukekuna kuli waze anatujingilika.

Miaso (Masamu) 74:18

Iwuluka chuma chino, mukwa kole hachoka Yehova; vungu limwe lia yihepuke hatuka jina lie.

Miaso (Masamu) 79:12

Mwene, hana yisuho shimbiali kuli waze twatunga no, mwe mu tulo yo, kuchoka chize hakuchoka nacho yena.

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 9:25

Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Ezekiel 28:10

Kumukafwa ngwe yilima ku moko ja tundaka, mumu yami hinachamba. Chocho kanambe Mwene Yehova.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

1 Samuel 11:2

Nahashi Ka-Amone yamba kuli ayo ngwenyi, Mungukolesa ni yenu usendo nyi munutayiza kutombongona meso jenu eswe a chindume ngukachitwike sau hali A-Izalele eswe.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:10

Mwe Ka-Filistea yamba nawa ngwenyi, Ngunatombo maswalale a Izalele musono uno. Ngwehenu umwe lunga tulilambe hamuwika.

1 Samuel 17:30

Yakatuka kuli iye akaye kuli mukwo ni maliji amuwika. Atu amukumbulwile chizechene nawa, ngwe atangu.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.

1 Samuel 31:4

Henaho Saulu yamba kuli mukwa kumumbachila yitwa ngwenyi, Tomona katana ke ungutuwe nenyi kuchina wano yilima meza manguwana mba mangutuwa ni manguyunga. Alioze mukwa kumumbachila yitwa katayile mumu woma wunji evwile. Kashika Saulu yanda katana kenyi mwene; yalikonaho.