1 Samuel 17:13 - MUKANDA USANDU WA ZAMBI 1975

¹³ Anenyi atatu makulwana ayile ni Saulu ku jita. Majina ja anenyi atatu aze ayile ku jita, wano; mwe kapula-jimo Eliape, mwanakwo walihata nenyi, Abinadambe, ni wamuchitatu Shama.

Mukanda Wa Zambi 1970

¹³ Ana jenyi atatu a makulwana yaaya ni Saul ku jita. Majina jo wano: mukulwana Eliabe, wa muhata Abinadabe, ni wa muchitatu Shama.

1 Samuel 17:13 Iomraidhean Croise

2 Samuel 13:3

Alioze te kali ni umwe sepa, jina lienyi Jonadabe mwana wa Shimea, yayo ya David. Yono Jonadabe mukwa malinjekela anji.

2 Samuel 13:32

Alioze Jonadabe, mwana Shimea yayo ya David, yakumbulula ngwenyi, Mwene wami kanda nunyonga ngwe hashiha akweze ana a malunga eswe a mwanangana. Amnone wika hafwa. Mumu ku shimbi ya Absalome hahala chuma chino chize ku tangwa avulumwine ni tachi ndumbwenyi Tama.

2 Samuel 21:21

Ha kutomba A-Izalele, Jonatas mwana wa Shimei yayo ya David yamushiha.

1 Sango Ja Mianangana 2:13

Yese yasema mwanenyi mutangu Eliape, ni wamuchiali Abinadambe, ni wamuchitatu Shima,

1 Samuel 17:28

Yayo wa mukulwana Eliape wevwile muze ahanjikile ni malunga. Eliape yatenuka ni David ngwenyi, Yika unakaula ku kuno? Neya wahichika tumapanga tuze mu puya? Ngunanyingika kulengumuka che ni kuhuka cha mbunge ye. Hiweza ukamone ye jita lume.