1 Samuel 16:7 - MUKANDA USANDU WA ZAMBI 1975

⁷ Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.

Mukanda Wa Zambi 1970

⁷ Alioze Mwene Zambi yamwamba ngwenyi: “Kanda utala ku meso jenyi, hanji kutaluka chenyi, mumu hinalituna ye. Mutu kakutala ku meso, alioze yami nakutala mu mbunge.”

1 Samuel 16:7 Iomraidhean Croise

Ubutukilo 4:5

Alioze Kene ni mulambu wenyi kamulemeseneko. Kashika Kene yevwa ufwatulo, yanyakana ku meso.

2 Samuel 14:25

Mu Izalele mweswe kumwapwile niumwe amuchichimiekene ha kupema chenyi shina Absalome wika. Chize ku yiliato yenyi ndo ku mbanda-mutwe kukwapwile kachipa nikamwe.

2 Samuel 7:20

Mba yami David yika munguhasa kwamba kuli yena? Mumu yena Mwene Yehova unanyingika kavumbi ke.

1 Yitanga Ya Mianangana 8:39

hipanjika yena mwilu watwama ukaakonekene, ukalinge ni kuhana kuli mutu mweswe nikulita ni ndako jenyi jeswe, mbunge yenyi, unanyingika (mumu yena wika ukawe unanyingika mbunge ja ana ja atu eswe)

1 Sango Ja Mianangana 17:18

Kuchi yami David munguhasa kuweza nawa kumeso je ha kutwala ku ulemu hangwaha yami kavumbi ke? Unangunymgika yami kavumbi ke.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

2 Sango Ja Mianangana 6:30

hipanjika yena mwilu watwama ukaakonekene, ni kuhana kuli mutu mweswe nikulita ni ndako jenyi jeswe, mbunge yenyi unanyingika; (mumu yena wika ukawe unanyingika mbunge ja ana ja atu eswe)

Jobe 10:4

Meso a musunya uli no? Wakumona ngwe atu akumona?

Jobe 35:5

Tala ku malilu, umone; tala malelwa, chize hasuha kukuhiana yena.

Miaso (Masamu) 139:2

Unanyingika ni kutwama chami ni kukatuka chami. Kunyonga chami kuchakulumbunuka kuli yena chipwe kusuku.

Miaso (Masamu) 7:9

We ungulungulu wa yingulungulu ukahwe lume, alioze jikijisa mwe mukwa ululi; mumu mwe Zambi ya ululi kakweseka kunyonga cheswe cha mbunge.

Yishima 15:11

Shiole ni ye Apandone yinamoneka kuli Yehova, mba mbunge ja ana a atu, ka?

Yishima 16:2

Ndako jeswe ja mutu jinapeme kumeso jenyi mwene; alioze Yehova kakupezalisa maspiritu.

Yishima 24:12

Chipwe muamba ngwe, Kutwachinyingikine, te mwe mukwa kupezalisa mbunge kachimwene? Mukwa kufunga mwono we kachinyingikine nyi? Te kechi kwononona mutu mweswe nikulita ni milimo yenyi?

Yishima 31:30

Vumbi kuliakulionga, ni upeme wa kumeso wapwa wamokomoko, alioze pwo yoze wavwila woma Yehova, mamuhalisa.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 20:12

Yehova-wa-Tujita, yena wakweseka akwa ululi, Wakumona mbunge ni manyonga. Ngumone kama chize mwafwetesa, mumu hanakunjika chikuma chami kuli yena.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Yoano 7:24

Kanda nukapatula nikulita ni meso jenu, alioze patulenu upatwilo wa ululi.

Yoano 8:15

Yenu nwakupatula nikulita ni musunya; yami chishi kupatwila niumwe.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

2 Korintu 10:10

Mumu kanambe ngwo, Mikanda yenyi yilemu, ya tachi; alioze iye mwene mu mujimba mulelu, ni kuhanjika chenyi chamokomoko.

2 Korintu 10:7

Yenu nwakutala yuma yili kulutwe lia meso jenu. Kachi umwe malikolela ngwenyi, Yami wa Kristu, ashinginyeke chino cheka nawa ni muli iye mwene, chizechene ngwe iye wa Kristu, chocho nawa yetu tuli a Kristu.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

1 Petulu 2:4

Nwakwiza kuli iye, ngwe ku liwe lia mwono, alitunyinelio chamwenemwene kuli atu, aiioze kuli Zambi Hapwa lia kutongola, lilemu.

1 Petulu 3:4

aiioze ukapwe mutu wa kuswama wa mbunge, ni kuzala chingunu cha Spiritu ya kushimbika ni ya kuhola, yize kumeso ja Zambi ya ndando yinene chikolo.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.

1 Samuel 9:2

Iye te kali ni mwanenyi wa lunga jina lienyi Saulu, mukweze mupema. Hakachi ka A-Izalele niumwe wamuhianyine ha kupema. Chize ku yipaya yenyi wasuhile helu lia atu eswe.