1 Samuel 16:5 - MUKANDA USANDU WA ZAMBI 1975

⁵ Iye ngwenyi, Ni sambukila nguneza kulambula chitapo kuli Yehova. Liselenu ku usandu nwize ni yami ku chitapo. Iye yasela ku usandu Yese ni ana jenyi; yaasanyika ku chitapo.

Mukanda Wa Zambi 1970

⁵ Iye ngwenyi: “Ewa, nguneza ni kulambula Mwene Zambi mulambu.” Yambila nawa Jese ni ana jenyi a malunga alijilike, yaalakenya aye nenyi ni kulambula mulambu.

1 Samuel 16:5 Iomraidhean Croise

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

1 Yitanga Ya Mianangana 2:13

Henaho Adonija mwana Hagita yeza kuli Bate-Shipa naye ya Solomone. Iye yamba ngwenyi, Ni sambukila uneza nyi? Yakumbulula ngwenyi, Sambukila.

1 Sango Ja Mianangana 12:18

Henaho Spiritu yahulumukina hali Amasai mukwa lutwe hakachi ka e makumi atatu, mba yamba ngwenyi, Tuli a yena, David; Tuli hamwe ni yena, mwana Yese! Sambukila yikalumbame kuli yena, Ni sambukila kuli yikwashi je! Mumu Zambi ye kanakukwase. Mba David yaatambula; yaapwisa tupitau twa maswalale jenyi.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Joele 2:16

Kungululenu e atu; Selenu chikungulwila ku usandu; kungululenu makulwana; kungululenu ana, hamwe ni akwa kwamwa. Sandungi akatuke ku chipatulo chenyi, ni ndungi akatuke ku zuwo lienyi.

Zefania 1:7

Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.

Kwalula 11:8

E atu alimwangine nikuyikunga. Ayichekele ni mawe, hanji kuyitwa mu chinu. Ayitelekele mu ndeho. Alingile nayo tumbolo. Kuyipanjika ngwe tumbolo twa kulinga ni maji.

1 Korintu 11:28

Alioze mutu akalieseke, chocho akalie mbolo, akanwe musenge.

Yoshua 3:5

Yoshua yamba kuli atu ngwenyi, Liselenu ku usandu mumu hamene Yehova malinga yipupu hakachi kenu.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

1 Samuel 20:26

Hindu Saulu tangwa lize kambile nichimwe, mumu yanyonga ngwenyi, Chimwe chuma chamuwana. Kapemene; pundu kapemene.