1 Samuel 16:21 - MUKANDA USANDU WA ZAMBI 1975

²¹ David yeza kuli Saulu nikumana kumeso jenyi. Saulu yamuzanga chikolo, yamusela kumumbachila yitwa yenyi ya jita.

Mukanda Wa Zambi 1970

²¹ David yaheta kuli Saulu, yabwa kavumbi kenyi. Mwe Saulu yamuzanga kuhiana, yamupwisa mukwa kumumbachila yitwa yenyi ya jita.

1 Samuel 16:21 Iomraidhean Croise

Ubutukilo 41:46

José wapwile ni makumi atatu a miaka muze amanyine kumeso ja Falau mwanangana wa Engitu. Mba yakatuka kumeso ja Falau nikupalika chifuchi cheswe cha Engitu.

1 Yitanga Ya Mianangana 10:8

Kawaha malunga je, kawaha wano tuvumbi twe akumana kumeso je matangwa eswe nikwivwa mana je.

Miaso (Masamu) 118:9

Shinaho kuchinyina kuli Yehova, hi kufuliela yilolo ko.

Miaso (Masamu) 146:3

Kanda ufuliela yilolo, hanji umwe mwana mutu yoze keshi kuhasa kukwasa.

Miaso (Masamu) 62:9

Chamwenemwene atu aze keshi ulemu apwa amokomoko; atu alemu o apwa mahuza. Kwasa mu pezu mazunduka; eswe hamuwika anahuhuka; ni mwiku shinaho.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Shimbi 1:38

Yoshua, mwana wa Nune, wakumana kumeso je, iye makanjilamo. Mutakamise, mumu iye makatungisamo A-Izalele.

Shimbi 10:8

Ha mwaka uze Yehova yahandununa munyachi wa Levi, mukumbata mushete wa usendo wa Yehova, mukumana kumeso ja Yehova amuvumbike, akawahise ni jina lienyi ndo ku tangwa lino.

Akwa Kuyula 9:54

Iye yatambika fujifuji kuli mukweze wenyi wakumumbachila yitwa yenyi ngwenyi, Tomona katana ke ungushihe, kuchina mamba ngwo, Amushihile kuli pwo. Chocho mukweze wenyi yamutuwa ndusu; yafwa.

1 Samuel 16:22

Saulu yatuma kuli Yese ngwenyi, Ngunaliumbu; tayiza David kumana kumeso jami mumu kananguwahila chinji.

1 Samuel 17:15

David te matwama ni Saulu mba maya mukulisa mapanga a tato ku Mbeteleme akahiluke nawa.

1 Samuel 17:55

Muze Saulu yamona David kanayi kulimika ni Ka-Filistea yamba kuli Abenere kapitau ka yizavu ngwenyi, Auze mukweze mwana waya? Abenere ngwenyi,. Mwanangana, ni mwono wenu Chanyingikine.

1 Samuel 19:7

Mba Jonatas yasanyika David, yamulweza yuma yino yeswe. Jonatas yaneha David kuli Saulu, yatwama kumeso jenyi chizechene ngwe walingile kunyima.