1 Samuel 16:18 - MUKANDA USANDU WA ZAMBI 1975

¹⁸ Umwe mukweze wakumbulwile ngwenyi, Hinamona umwe mwana wa Yese wa ku Mbeteleme kananyingika kwimba kanawa. Kapwa nawa chitakame, mukwa hamu, kajita, chikanyame, mupema ku meso, ni Yehova kali nenyi hamuwika.

Mukanda Wa Zambi 1970

¹⁸ Umwe ngamba yakumbulula ngwenyi: “Hinamona umwe mukweze, mwana wa Jese, wa ku Betleheme, kananyingika kwimba kanawa. Nawa kali mukwa hamu, kajita wa tachi, kalimuka, kakuhanjika kanawa, ni Mwene Zambi kali hamwe nenyi.”

1 Samuel 16:18 Iomraidhean Croise

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

2 Samuel 14:20

Kavumbi kenu Joabe halinga chuma chino hanga akatewulule yuma. Mwene wami mana anji ali no nikulita ni mana a mungelo wa Zambi akanyingike yuma yeswe yili hano hashi.

2 Samuel 17:10

Mba chipwe mukwa hamu yoze uli ni mbunge ngwe ya ndumba malezumuka, mumu A-Izalele eswe kananyingika ngwe tatenu mukwa ndundo, ni waze eswe ali no malunga a hamu.

2 Samuel 17:8

Hushai yaweza ngwenyi, Nunanyingika tatenu ni malunga jenyi, eswe malunga a ndundo. Chikwo nawa wuli ali nawo ngwe ursu wa mu yambu yoze hamwiya ana jenyi. Ni tatenu iye kajita mukulu, kechi kupomba hamuwika ni e atu.

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.

1 Samuel 16:12

Yatuma yamusaka. Iye te muchila chikolo, meso jenyi apema, kanawaha chikolo kumutala. Yehova yamba ngwenyi, Mwenawo, katuka umuwayise.

1 Samuel 16:17

Saulu yamba kuli ngamba jenyi ngwenyi, Ngufupile lunga umwe mahasa kwimba kanawa, nunguneheneye.

1 Samuel 16:19

Kashika Saulu yatuma mikeji kuli Yese ngwenyi, Ungutume mwané David yoze unafungu mapanga.

1 Samuel 17:12

David iye te mwana wa Ka-Efrata wa ku Mbeteleme-Yunda, jina lienyi Yese. Iye te kali ni ana a malunga nake, mukulwana chikolo ha matangwa a Saulu, hanakukwoka hakachi ka atu.

1 Samuel 3:19

Samuel yatatuka, mba Yehova wapwile hamwe nenyi. Katayijile maliji jenyi kuholoka hashi, niamwe.