1 Samuel 15:8 - MUKANDA USANDU WA ZAMBI 1975

⁸ Yakwata Agage mwanangana wa A-Amaleke wa mwono. Yanongesa liakulu atu eswe ni tutana.

Mukanda Wa Zambi 1970

⁸ Yakwata Agage mwanangana wa Aamaleke ni mwono, alioze atu akwo eswe yaashiha.

1 Samuel 15:8 Iomraidhean Croise

2 Samuel 8:12

ya Seria, ni Moape, ni A-Amone, ni A-Filistea, ni A-Amaleke, ni upite wa Hadadezere mwana Rehobo, mwanangana wa Zoba.

1 Yitanga Ya Mianangana 20:30

Akwo yachinyina mwe mu chihunda cha Afeke mba chipanga-cha-mawe chanungukinyine hali makumi aali a tununu ni tununu shimbiali waze asalile. Kashika Mbene-Hadade yachina, yeza mu chihunda, mu chipatulo chimwe cha muchima.

1 Sango Ja Mianangana 4:43

Masalila ja A-Amaleke waze achinyine o aashihile mba yatwamako ndo musono.

Estere 3:1

Kulutwe lia yino yuma mwanangana Ahashueru yalemesa Hamane mwana Ka-Agage Hamedata. Yamusenyesa kulutwe; yasa chitwamo chenyi helu lia alemu eswe aze apwile no.

Alevi 27:29

Niumwe hamutumbikila ni shingo kumwonwona hakachi ka atu kanda amukula. Akamushihe lume.

Kwalula 24:7

Meya makasupwoka ku swaha jenyi. Akwa munyachi wenyi makatwama ku meya anji. Mwanangana wenyi makapwa musuku, Agage mwilu. Wanangana wenyi kumuukanangama.

Yoshua 10:39

yachitambula, ni mwanangana wacho ni yihunda yacho yeswe nikwalamba ni katana, nikunongesa atu jamo eswe. Niumwe wasala wakuhi, chizechene ngwe halinga ku Heprone, ni ku Libna ni mwanangana wamo, chocho yalinga ku Ndebire ni mwanangana wamo.

Yoshua 11:12

Yihunda yeswe ya mianangana waze, Yoshua wayitambwile hamwe ni mianangana jo, nikushiha ni katana atu jamo eswe, nikwanongesa liakulu chizechene ngwe Mose kavumbi ka Yehova watumine.

Yoshua 8:23

Alioze mwanangana wa Ayi yamukwata wa mwono, yamutwala kuli Yoshua.

1 Samuel 15:20

Saulu yamba kuli Samuel ngwenyi, Alioze hinononoka ku liji lia Yehova. Hinenda mu jita yize Yehova wangutumine. Hinaneha Agage mwanangana wa A-Amaleke, nikunongesa liakulu A-Amaleke.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

1 Samuel 22:19

Ni Nobe nawa chihunda cha asasendote yashiha ni katana; ni malunga ni mapwo, ni ana ni akwa kwamwa, ni ngombe, ni yimbulu ni mapanga. Eswe yaashiha ni katana.

1 Samuel 30:1

Ha tangwa liamuchitatu muze David ni malunga jenyi yeza ku Zikalage, kumanyi A-Amaleke hananeha jita ku Negeve ni ku Zikalage. Hanakumbu chihunda cha Zikalage nikuchocha kahia.