1 Samuel 15:6 - MUKANDA USANDU WA ZAMBI 1975

⁶ Saulu yamba kuli A-Kene ngwenyi, Katukenu, yenu nutuhuke hakachi ka A-Amaleke kuchina mungunwonwona hamuwika. Mumu yenu nwalingile ni vumbi kuli A-Izalele eswe muze akatukile ku Engitu. Chocho A-Kene yakatuka hakachi ka A-Amaleke.

Mukanda Wa Zambi 1970

⁶ Yambila Akene ngwenyi: “Tuhukenu mukachi ka Aamaleke kuchina mungunwonona hamwe no. Mumu yenu nwasele Aisraele vumbi muze akatukile mu Egiptu.” Chenacho Akene akatukile mukachi ka Aamaleke.

1 Samuel 15:6 Iomraidhean Croise

Ubutukilo 15:19

ni A-Kene, ni A-Kenaze, ni A-Katumone,

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

1 Sango Ja Mianangana 2:55

Yisemuko ya akwa kusonyeka waze atwamine ku Jabeze, ni A-Tirate, ni A-Shimeate, ni A-Sukate. Wano te A-Kene waze asemukine kuli Hamate, tato ya munyachi wa A-Rekabe.

Kutuhuka 18:19

Hatakana haliapwila ku liji liami. Mungukwaha mana; Zambi akapwe hamwe ni yena. Ukapwe yena hali atu kumeso ja Zambi. Uhetese ye yuma kuli Zambi.

Yishima 9:6

Enu hichikenu yizuzuke nukatwame ni mwono, nukendele mu jila ya malinjekela.

Kwalula 16:34

A-Izalele anaajingilika yachina ha kwivwa miteto yo; mumu ambile ngwo, Kuchina he hashi muhatumina yetu!

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

2 Timoteu 1:16

Mwene akevwe keke hali akwa zuwo lia Onesefworu: mumu wanguhuzulwile kanji, kevwileko sonyi ha lenge liami.

Usolwelo 18:14

Ni mihuko yize mbunge ye yayivwilile usolo, hiyinakatuka kuli yena, ni yuma yeswe yipema ya uhenya hiyinakatuka kuli yena, kechi kayiwana nawa nichimwe.

Akwa Kuyula 1:16

A-Kene, waze asemukine kuli tato-weno wa Mose, o akandukile hamwe ni A-Yunda katu ku chihunda cha mingaji ndo ku puya ya Yunda mu Negeve hakamwihi ni Arata. Akandukile nikutunga ni e atu.

Akwa Kuyula 4:11

Hepere Ka-Kene iye te halihandununa ni A-Kene aze asemukine kuli Hobabe tatoweno wa Mose. Hajika mbalaka yenyi kusuku kwe ku mutondo wa carvalho ku Zananime hakamwihi ni Kendeshe.

Akwa Kuyula 5:24

Jaele pwo lia Hepere Ka-Kene akawahe helu lia mapwo eswe. Akawahe helu lia mapwo eswe a mu mbalaka.

1 Samuel 15:5

Saulu yeza ku limbo lia Amaleke, yajikinyina mu chikulo.

1 Samuel 27:10

Muze Akishe yahula ngwenyi, Waze wapupanga musono aya? David wambile ngwenyi, Napupanga Negeve ya A-Yunda, hanji ngwenyi, Napupanga Negeve ya A-Jeramila, hanji ngwenyi, Napupanga Negeve ya A-Kene.

1 Samuel 30:29

ni mu Rakale, ni mu yihunda ya A-Jeramila, ni mu yihunda ya A-Kene,