1 Samuel 15:32 - MUKANDA USANDU WA ZAMBI 1975

³² Henaho Samuel yamba ngwenyi, Neha Agage mwanangana wa A-Amaleke kuno kuli yami. Agage yeza nikuseha. Te kanambe ngwenyi, Usasu wa kufwa hiunapalika.

Mukanda Wa Zambi 1970

³² Hohene Samuel yamba ngwenyi: “Ngunehene Agage mwanangana wa Aamaleke.” Agage yaya kuli Samuel nikuchikima, ni kulinyonga ngwenyi: “Kufwa chili Chuma chibi.”

1 Samuel 15:32 Iomraidhean Croise

Jeremia 48:44

Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Hosea 6:5

Kashika hinaateta ni aprofeta; hinaashiha ni maliji a mu kanwa liami. Upatwilo wami unatuhuka ngwe pangu.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Yoshua 10:22

Henaho Yoshua yamba ngwenyi, Shikululenu ku utuhukilo wa chivwenge, nuchizemo e mianangana atano nwanehe kuli yami.

Usolwelo 18:7

Ku chize cheswe hanalichichimieka, ni chize hanahungumuka ni yipi, chocho kuhiana mwehenu kupinda ni kunenganyana, mumu kanambe mu mbunge yenyi ngwenyi, Nakutwama mwananganawa-pwo, hi nguli twamishi ko, chichi kamona kunenganyana nichimwe.

Akwa Kuyula 8:11

Ngideone yakandukila jila ya akwa mbalaka, sali lia Chivumbuko ku Noba ni Jogabeha. Yapupa tujita mumu o kalayile.

1 Samuel 15:31

Kashika Samuel yakaula Saulu mba Saulu yawayila Yehova.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.