1 Samuel 15:3 - MUKANDA USANDU WA ZAMBI 1975

³ Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

Mukanda Wa Zambi 1970

³ Kashika yako wase jita ni Aamaleke, ukenyeke yeswe yize ali nayo. Kanda wevwila keke, alioze ushiha eswe, malunga, ni mapwo, ni twanuke, ni ana akemba, ni ngombe, ni mapanga, ni tumelu, ni yimbulu.’ ”

1 Samuel 15:3 Iomraidhean Croise

Ubutukilo 36:12

Timna wapwile *konkubina ya Elifaze mwana wa Esau. Iye yasema kuli Elifaze Amaleke. Wano e ana ja Ata pwo lia Esau.

2 Samuel 1:8

Iye yanguhula ngwenyi, Yena iya? Namukumbulula ngwami, Nguli Ka-Amaleke.

Kutuhuka 17:14

Yehova yamba kuli Mose ngwenyi, Soneka chino mu mukanda hanga chikapwe Chiwulwiso, uchitange kuli Yoshua, mumu kumungukajimuna jimu A-Amaleke; kechi kwaewuluka nawa hashi.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kwalula 24:20

Iye yatala Amaleke, yata chishima chino ngwenyi, Amaleke wapwile mutangu wa mavungu, kusula-songo lienyi kumulikapwa ha kwonwona.

Kwalula 31:17

Kashika, haliapwila, shihenu malunga eswe hakachi ka ana akepe, shihenu mapwo eswe hapomba ni malunga.

Yoshua 10:39

yachitambula, ni mwanangana wacho ni yihunda yacho yeswe nikwalamba ni katana, nikunongesa atu jamo eswe. Niumwe wasala wakuhi, chizechene ngwe halinga ku Heprone, ni ku Libna ni mwanangana wamo, chocho yalinga ku Ndebire ni mwanangana wamo.

1 Samuel 14:48

Yalinga ni hamu. Yakumba A-Amaleke. Yapulula A-Izalele ku moko ja waze aapupile.

1 Samuel 15:18

Yehova wakutumine wenyi. Yamba ngwenyi, Yako ukanongese liakulu wano akwa shili A-Amaleke ukase no jita ndo makuwa.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.

1 Samuel 22:19

Ni Nobe nawa chihunda cha asasendote yashiha ni katana; ni malunga ni mapwo, ni ana ni akwa kwamwa, ni ngombe, ni yimbulu ni mapanga. Eswe yaashiha ni katana.

1 Samuel 27:9

David yapupa chifuchi. Kahichikile ni mwono chipwe lunga chipwe pwo, alioze yambata mapanga, ni ngombe, ni yimbulu, ni tumelu, ni mazalo, yahiluka ku Akishe.

1 Samuel 30:17

David yaalamba chize ku kunjila cha tangwa ndo ku chingoloshi cha tangwa likwo. Chipwe lunga umuwika kalilamwinyine shina kulakaji awana a akweze achinyine hali tumelu.