1 Samuel 15:29 - MUKANDA USANDU WA ZAMBI 1975

²⁹ Ni chikwo nawa, mwe Mulemu-wa-Izalele kechi kwamba mahuza hanji kulikonyeka. Mumu iye hi mutu ko akalikonyeke.

Mukanda Wa Zambi 1970

²⁹ Chikwo nawa, Zambi Mulemu wa Aisraele keshi kuhanjika mahuza, chibwe keshi kwalumuna mbunge, mumu keshi ngwe mutu, mba malumuna mbunge.”

1 Samuel 15:29 Iomraidhean Croise

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

Miaso (Masamu) 29:11

Yehova mahana tachi kuli atu jenyi. Yehova mawahisa atu jenyi ni sambukila. Samu lia David, mwaso awimbile ha kusela ku usandu lie zuwo.

Miaso (Masamu) 68:35

Zambi, uli kole ni woma kuma kwe kusandu. Mwe Zambi ya Izalele kakuhana tachi ni ngolo kuli atu jenyi. Zambi afumane!

Miaso (Masamu) 95:11

Kashika nalishingile mu ufwatulo wami ngwami, Kechi kanjila mu uhwimino wami.

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Ezekiel 24:14

Yami Yehova ngunachambe, kumuchikapwa, kumungukachilinga. Chichi kahiluka kunyima; chichi kanuvwila keke; chichi kalikonyeka. Mwene Yehova kanambe ngwenyi, Mungukanupatwila nikulita ni ndako jenu ni yitanga yenu.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

2 Korintu 12:9

Iye wambile kuli yami ngwenyi, Vumbi liami linate hali yena; mumu tachi jami kakujipwisa jingunu mu ulelu. Ni kuwaha chahiana kashika mungulisamba Shinaho ha ulelu wami, hanga tachi ja Kristu jikatwame hali yami.

Shimbi 33:27

Zambi ya mutolo iye chiswamo che mba kushi kwatwama moko a mutolo. Iye makahuma akwa kole kumeso je mamba ngwenyi, Aonwonenu.

Filipu 4:13

Kunahasa kulinga yuma yeswe muli yoze wakunguhashisa.

2 Timoteu 2:13

Kachi yetu hi tuli amwenemwene ko, iye katwama wamwenemwene; mumu kahashile kulikala mwene.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Hebreu 7:21

(mumu waze chamwenemwene aapwishile asasendote te shingo liakuhi, aiioze iye nikulishinga, kuli yoze wambile kuli iye ngwenyi, Mwene walishingile, kechi kalikonyeka ngwenyi, Yena uli sasendote ndo ku miaka ya mutolo nikulita ni ngango ya Melekizeteke).