1 Samuel 15:24 - MUKANDA USANDU WA ZAMBI 1975

²⁴ Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

Mukanda Wa Zambi 1970

²⁴ Saulu ngwenyi: “Ewa, hingunavulumuna. Hingunakolema Shimbi ya Mwene Zambi ni kubangula longeso lienu, mumu nevwilile tujita twami woma ni kubanjika ku maliji jo.

1 Samuel 15:24 Iomraidhean Croise

Ubutukilo 3:12

Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga.

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

Jobe 31:34

mumu ha kwivwa woma wunji wa e atu; kachi kupopolola cha minyachi changukolesa woma kashika nahola, chatuhukile haze—

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Kutuhuka 10:16

Mba Falau yasanyika ni kapupushi Mose ni Arone, yamba ngwenyi, Hinavulumuna Yehova Zambi yenu. Hinavulumuna yenu nawa.

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Jeremia 38:5

Mwanangana Zedekia yamba ngwenyi, Mu moko jenu ali, mumu mwanangana kahashile kulinga nichimwe cha kulimika ni yenu.

Kwalula 22:34

Mbalau yamba kuli mungelo wa Yehova ngwenyi, Hinavulumuna; mumu Chanyingikine yena wamana mu jila mukulimika ni yami. Haliapwila, kashika, nyi chinakupihila, munguhiluka kunyima.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

1 Samuel 15:15

Saulu yamba ngwenyi, E aze atambwile kuli A-Amaleke, mumu atu alamwinyine yimuna apema hakachi ka mapanga ni ngombe akaatambule kuli Yehova Zambi yenu. Alioze akwo eswe hitwanongesa liakulu.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.

1 Samuel 2:29

Kuchi te wakuliataliata ha chitapo chami ni ha mulambu wami nakolesele ni shimbi mu zuwo liami? Kuchi te wakulemesa ana je helu lia yami nikulitohesa ni yeswe yahiana kupema hakachi ka milambu ya atu jami A-Izalele?

1 Samuel 26:21

Saulu yamba ngwenyi, Hinavulumuna mwanami David. Hiluka mumu chichi kukulinga nawa chipi, mumu mwono wami wapwanga ulemu kumeso je musono. Hinalinga uhepuke. Hinapiasuka chikolo kuhiana.