1 Samuel 15:22 - MUKANDA USANDU WA ZAMBI 1975

²² Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.

Mukanda Wa Zambi 1970

²² Samuel ngwenyi: “Chuma chika Mwene Zambi akuzanga kuhiana, kumwononokena nyi, hanji kumulambula milambu ni yawana? Kumwononokena kuchahiana kumulambula milambu ya mapanga abema kuhiana.

1 Samuel 15:22 Iomraidhean Croise

Ubutukilo 4:4

Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.

Yishima 21:3

Kulinga ululi ni upatwilo wapemena Yehova kuhiana yitapo.

Longeshi 5:1

Funga kulu lie muze muoya ku zuwo lia Zambi; mumu kukundama ukevwe acho Shinaho; kuhana yitapo ya yihepuke achi kunyima, mumu o kanyingikine chipi chize analingi.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Hosea 6:6

Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Mateu 12:7

Alioze kachi nwanyingikine chize muchilumbunuka ngwo, Ngunazange keke hi chitapo ko, kachi kunwahishile waze keshi chitela.

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

Mateu 5:24

Hichikako chawana che ku chilumbilo, Uliange kuya ukawane ni mukwenu, mba ukeze, ukalambule chawana che.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Marku 12:33

Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe.

1 Samuel 13:12

Kashika namba ngwami, Haliapwila A-Filistea mangulundumukina ku Ngilingali ni yami kanda ngulembela vumbi lia Yehova. Kashika yingulikapwola, yingulambula mulambu wa kulumba.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.