1 Samuel 15:20 - MUKANDA USANDU WA ZAMBI 1975

²⁰ Saulu yamba kuli Samuel ngwenyi, Alioze hinononoka ku liji lia Yehova. Hinenda mu jita yize Yehova wangutumine. Hinaneha Agage mwanangana wa A-Amaleke, nikunongesa liakulu A-Amaleke.

Mukanda Wa Zambi 1970

²⁰ Saulu yambila Samuel ngwenyi: “Alioze hinononoka ku maliji a Mwene Zambi. Hinenda mu jila yize anakangutuma. Hinaneha mwanangana Agage, hinanongesa liakulu Aamaleke.

1 Samuel 15:20 Iomraidhean Croise

Jobe 33:9

Unambe ngwe, Kunapema; chishi mulonga; kunasamba; uhenge wakuhi muli yami.

Jobe 34:5

Mumu Jo te hanambe ngwenyi, Chishi mulonga, Zambi hananguchiza kusamba chami.

Jobe 35:2

Unamono ngwe chino chinalite? Unambe ngwe, Chino chinangute kumeso ja Zambi?

Jobe 40:8

Chipwe yami unazange kunguhisa? Unguhise yami hanga ena usambe, nyi?

Mateu 19:20

Mukweze yamba kuli iye ngwenyi, Wano eswe hingunaafungu chize ku ukweze wami; hindu kuchi ngunahono?

Luka 10:29

Alioze iye, nikuzanga kulisambisa, wambile kuli Yesu ngwenyi, Mba mwenyembo wami iya?

Luka 18:11

Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

A-ROMA 10:3

Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi.

1 Samuel 15:13

Samuel yaheta kuli Saulu, mba Saulu yamba kuli iye ngwenyi, Yehova anuwahise! Hinalinga shimbi ja Yehova.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

1 Samuel 15:8

Yakwata Agage mwanangana wa A-Amaleke wa mwono. Yanongesa liakulu atu eswe ni tutana.

1 Samuel 28:18

Mumu kwononokene ku liji lia Yehova; kwalingile ufwatulo wenyi usasu hali A-Amaleke; kashika Yehova halinga chuma chino kuli yena haliapwila.